Plinio Gaztea

Plinio Gaztea
	Plinio Gaztea izenekoaren estatua jaioterria zuen Comoko katedralean. Irudi gehiago
Antzinako Erromako senataria
Kuestore
consul suffectus (en)
Pretore
Plebearen tribunoa
Erromatar gobernadorea
; Erromako kontsula
Bizitza
Jaiotza	Como, 61
Herrialdea	Antzinako Erroma
Bizilekua	Villa Commedia (en) ; Lierna; Comoko aintzira
Heriotza	Bitinia, c. 112 (51/52 urte)
Familia
Aita	ezezaguna, Plinio Zaharra
Ama	Plinia Marcella
Ezkontidea(k)	stepdaughter of Veccius Proculus (en) ; daughter of Pompeia Celerina (en) 96); Calpurnia (en) (103 -
Familia	ikusi Plinio Zaharra (osaba);
Hezkuntza
Hizkuntzak	latina
Irakaslea(k)	Lucius Verginius Rufus; Kintiliano; Plinio Zaharra
Jarduerak
Jarduerak	idazlea, politikaria, poeta, abokatua, historialaria, militarra, goi-funtzionarioa, legelaria eta Funtzionarioa
Lantokia(k)	Antzinako Erroma
Lan nabarmenak	ikusi Gutunak (Plinio);

Plinio Gaztea (latinez: Gaius Plinius Caecilus Secundus; Comum, 61 – Bitinia, c. 112) Antzinako Erromako politika-gizon eta idazle bat izan zen, Plinio Zaharraren iloba.

Bizitza

Bere aita hil eta gero, Plinio Zaharra amaren aldeko bere osabak hezi zuen eta horrela hartu zuen bere izena borondatez. Erroman erretorika ikasi zuen Kintiliano eta Niceste Sacerdosen eskutik. Lege-gizon moduan karrera luzea izan zuen, kontsul suffectus izendatu zuten 100 urtean. Beste postu zenbait ere bete zituen, hala nola praefectus eraris militaris, praefectus aerari Saturni, curator alvei Tiberis eta Bitiniako gobernadore 111-112 urteetan[1].

Lanak

Bi lan gorde dira: Panegyricus eta hainbat gutun, bederatzi liburukietan bildurik. Panegyricus Trajano enperadoreari egindako eskerroneko hitzaldiaren bertsio zabaldua da, kontsul izendatu zuenean 100 urtean, gisa bereko beste 11 hitzaldiekin batera azaldu ohi dena. Pro Marcello Zizeronen hitzaldiaren parean jarri izan da eta lehenengo bi mendeetako osorik gorde den hitzaldi bakarra da.

Gutun-bilduma 97-108 urte bitartekoa da, Plinioren bizitzan ere argitaratu zirenak. Trajanorekiko gutun-harremana ere gorde da, batez ere Bitiniako gobernadore izan zenekoa. Zizeronen ondoren, latinezko epistola generoan hoberenak direla aipatu da bere garrantzia buruz, garaiko inperioaren berri osotua ematen baitute. Denetariko gaiak agertzen dira gutunetan: afera publikoak, anekdotak, literatura, afera pertsonalak, deskribapenak eta aholkuak. Harrigarria bada ere, erlijio, filosofia eta hizkuntza gaiak ez dira agertzen, garai hartan maiz agertzen baziren ere. Hala ere, bere estiloaren dotorezia eta aniztasuna aipatu dira, bere batasuna galdu gabe.[1]

Ikus gainera

Erreferentziak

The Cambridge History of Latin Literature (1982), 655-670, 895-896 orrialdeak.

Kanpo estekak

Wikimedia Commonsen badira fitxategi gehiago, gai hau dutenak: Plinio Gaztea

Datuak: Q168707
Multimedia: Plinius Minor / Q168707

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[cambridge-1] The Cambridge History of Latin Literature (1982), 655-670, 895-896 orrialdeak.