Pleuronektiforme

Pleuronektiformeak edo arrain zapalak (Pleuronectiformes) arrain aktinopterigioen ordena bat dira. Aditu batzuek Perciformes ordenaren subordenatzat jotzen dute. 400 espezie baino gehiago dira eta zenbaitek, platuxak, mihi-arrainak, erreboiloak, oilarrak eta halibutak esate baterako, interes komertziala dute.

Pleuronektiforme
Paleozeno-gaur egun

Sailkapen zientifikoa
ErreinuaAnimalia
AzpierreinuaEumetazoa
FilumaChordata
KlaseaActinopteri
Ordena Pleuronectiformes
Linnaeus, 1758
Platuxa latza da arrain zapalaren adibide bat. Begiaren migrazioa nola ematen den ikusten da infografia honetan.

Gorputza zapal eta zabala dute. Gorputzaren alde batera migratzen dute bi begiek hazkuntzarekin batera[1], ahoa bere lekuan geratzen den bitartean. Helduak direnean, albo baten gainean etzaten dira itsas edo ibaietako hondoetan. Kolorez marroixkak izaten dira alde batetik (gorantz geratzen dena), eta zurixkak behean geratzen den erditik. Batzuk itsasoaren hondoan kamuflaturik bizi dira.

Familiak

ITISen arabera[2]:

Banaketa

Mundu osoko ozeanotan aurki daitezke, Artikotik Antartikaraino. Ozeano Barearen mendebaldean eta Ozeano Indikoan espezie mota gehiago daude[3]. 0 eta 500 metro arteko sakoneran aurki daitezke, baina badira 1.500 metrora ere aurkitu direnak.

Iruditegia

Erreferentziak
  1. (Ingelesez) Brewster, B.. (1987-12). «Eye migration and cranial development during flatfish metamorphosis: a reappraisal (Teleostei: Pleuronectiformes)» Journal of Fish Biology 31 (6): 805–833.  doi:10.1111/j.1095-8649.1987.tb05281.x. ISSN 0022-1112. (Noiz kontsultatua: 2020-10-05).
  2. Pleuronectiformes Système d'Information Taxonomique Intégré
  3. (Ingelesez) Campbell, Matthew A.; Chanet, Bruno; Chen, Jhen-Nien; Lee, Mao-Ying; Chen, Wei-Jen. (2019). «Origins and relationships of the Pleuronectoidei: Molecular and morphological analysis of living and fossil taxa» Zoologica Scripta 48 (5): 640–656.  doi:10.1111/zsc.12372. ISSN 1463-6409. (Noiz kontsultatua: 2020-10-05).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.