Plastilina

Plastilina edo plastizina moldekatzeko erabiltzen den material plastikoa da. Kaltzio gatzez, baselinaz eta beste konposatu alifatiko batzuez osatuta dago, batez ere azido estearikoz. Haurren erabilerarako egokia da, eta jostailu ezaguna da. Kolore askotan aurki daiteke.

Plastilinaz egindako panpinatxoa.

Plastiko termoegonkorra izan arren, hainbat ezaugarri berezi ditu, hala nola, malgutasuna eta tenperatura altuekiko erresistentzia baxua.

Historia

Franz Kolbek, Municheko (Alemania) farmazia baten jabeak, 1880an asmatu zuen. Industria garai hartan, Munich arteen gune bat zen, eta Kolberen lagunen artean eskultoreak ere ziren: beren eskulturak moldekatzeko erabiltzen zuten buztina berehala lehortzen zela eta, neguan batez ere, harekin lan egitea oso zaila zela kexatzen ziren. Franz Kolbek bere asmakizuna merkaturatzeko, 1887an ezagutzera eman zuen Faber-Castell enpresan eta, oraindik ere, egun saltzen da.

Plastilinaren birziklatzea
Materia plastikoa izanik, edukiontzi horietara bota daiteke birziklatzeko.

Plastiko gisa, birziklatzeko, gainerako plastikoekin eta metalezko zein tetra-brick ontzi arinekin batera, edukiontzi horia erabil liteke; lurralde batzuetan, baina, argi eta garbi adierazi ohi da plastikozko jostailuak-eta ez botatzeko hor. [1]

Erreferentziak
  1. (Gaztelaniaz) «Contenedor amarillo ♻️» Ecoembes dudas del reciclaje (Noiz kontsultatua: 2021-03-04).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.