Piramide Makurra

Piramide Makurra[1], edo Dahshurreko Hegoaldeko Piramidea, Snefru faraoi egiptoarraren aginduz Dahshur herrian eraiki zen hil monumentu edo mausoleo bat da. Haren forma berezia Egiptoko piramideen eboluzioaren azken garaia den aurpegi lauko piramide bat egiteko huts egindako saiakera da, ustez.

Piramide Makurra
Memphite necropolis
Kokapena
Estatu burujabe Egipto
Egiptoko gobernadore-herriaGizako gobernadore-herria
Koordenatuak29°47′25″N 31°12′33″E
Map
Historia eta erabilera
IrekieraK.a. 2700
KomisarioaSnefru
Arkitektura
Materiala(k)kareharria
Dimentsioak105,07 (altuera) × 189,61 (zabalera) m

    Ezaugarriak

    Berezitasun ugari du eta gauza askotan Snefruren seme izan zen Khufu edo Keopsek eraikiarazi zuen Gizako Piramide Handiaren oso antzekoa da. Ezaugarri nabarmenetako bat piramidearen bi sarreretako bat iparraldeko fatxadaren gainean ez egotea da, Egiptoko Inperio Zaharreko salbuespen bakarra baita, izan ere. Bestalde, piramideak estaldura gehiena mantentzen du, Egiptoko gainerako piramideek baino neurri handiagoan, eta honegatik Eguzkitan distiratzen duena izenarekin ere ezaguna da. Barnean lau hormetan pausatzen den ganga faltsu bat dago, ezagutzen den antzinakoena. Hil multzoak Egiptoko IV. dinastiako bere apaindura aberatsak gainontzeko monumentuetatik bereizten duen tenplu handi baten hondarrak erakusten ditu.

    Hil multzoa

    Hil multzoa faraoiaren piramideak eta hegoaldean dagoen 26 metroko altuerako piramide satelite batek osatzen dute, biak ala biak bi metroko altuera duen harrizko harresi batez inguratua. Barruti hau hil tenplu batekin 700 metroko luzerako galtzada baten bidez lotuta zegoen. Haraneko sarreratik urrun dagoenez, hil tenplu hau ez dirudi harrera tenplua edo Haraneko Tenplua denik. Beste alde batetik, tenplu hau benetako haraneko tenpluarekin lotuko zuen bigarren galtzada baten hondarrak daude. Beste edozein piramide multzotan aurki ezin daitekeen berezitasun bat da.

    Hil multzoko elementuak.
    Snefruren hil multzoaren perspektiba eta oinplanoa, Dahshur hegoaldean.
    1. #Piramidea
    2. #Piramide satelitea
    3. #Tenplu Garaia
    4. #Galtzada
    5. #Hil Tenplua

    Irudiak
    • 12 graduko angelu aldaketa
      12 graduko angelu aldaketa
    • Piramideko sarrera
      Piramideko sarrera
    • Kanpoko atea barrualdetik
      Kanpoko atea barrualdetik
    • Barruko eskailerak
      Barruko eskailerak

    Erreferentziak
    1. Ingelesez Bent Pyramid = Piramide Makurra edo Makotua, gaztelaniaz Pirámide Acodada = Piramide Ukondotua, frantsesez Pyramide Rhomboïdale = Piramide Erronboidala

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.