Pino Solanas

Pino Solanas
	; Irudi gehiago
Argentinako senataria
Argentinako diputatua
Argentinako diputatua
Bizitza
Jaiotzako izen-deiturak	Fernando Ezequiel Solanas
Jaiotza	Olivos (en) , 1936ko otsailaren 16a
Herrialdea	Argentina
Bizilekua	Vicente López (en) ; Paris
Heriotza	Neuilly-sur-Seine eta Paris, 2020ko azaroaren 6a (84 urte)
Heriotza modua	berezko heriotza: COVID-19a
Familia
Bikotekidea(k)	ikusi Chunchuna Villafañe;
Seme-alabak	ikusi Juan Diego Solanas; baliorik ez;
Hezkuntza
Hizkuntzak	gaztelania; frantsesa
Jarduerak
Jarduerak	antzerki zuzendaria, politikaria, film-zuzendaria, gidoilaria, argazki-zuzendaria, film-muntatzailea, zinema ekoizlea, aktorea, musikaria eta errealizadorea
Lantokia(k)	Buenos Aires eta Argentina
Enplegatzailea(k)	UNESCO
Jasotako sariak	ikusi John Simon Guggenheim Memorial Foundation beka ; Sutherland Trophy (1972) : The Hour of the Furnaces (en) ; Zuzendari onenaren saria (1988) : Sur (en) ;
Izengoitia(k)	Pino
Sinesmenak eta ideologia
Alderdi politikoa	Proyecto Sur (en)
	pinosolanas.com

Fernando Ezequiel Solanas (Olivos, Buenos Airesko probintzia, Argentina, 1936ko otsailaren 16a - Paris, Frantzia, 2020ko azaroaren 6a), ezagunagoa Pino Solanas izenez, argentinar zinema zuzendaria eta politikaria izan zen. La hora de los hornos (1968), Octavio Getinorekin batera zuzendua, eta El exilio de Gardel (Tangos) (1985) zituen zinema-lanik ezagunenak.

Solanasek antzerkia, musika eta zuzenbidea ikasi zituen. 1962an, Seguir andando bere lehen film laburra zuzendu zuen eta 1968an ezkutuan La Hora de los Hornos film luzea ekoitzi eta zuzendu zuen, neokolonialismoari eta Latinoamerikako indarkeriari buruzko dokumentala. Filmak nazioarteko hainbat sari irabazi zituen eta mundu osoan proiektatu zen. Solanasek Epaimahaiaren Sari Nagusia eta Kritikaren Saria irabazi zituen Veneziako zinema-jaialdian eta Canneseko zinema jaialdiko eskenatokiaren saria. 1999an epaimahaiko presidentea izan zen Moskuko 21. Nazioarteko Zinemaldian. 2004ko Berlingo Zinemaldian Ohorezko Urrezko Hartz berezia eman zioten. Hainbat filmetako soinu bandetan kolaboratu zuen Ástor Piazzolla tango konpositore eta musikariarekin.

2020ko uztailaren 21etik hil zen egunera arte, azaroaren 6ra, Argentinako enbaxadorea izan zen UNESCOn. COVID-19ak jota hil zen 84 urte zituela.

Testuingurua

Solanas 1970eko hamarkadan Argentinako zinema astindu zuen Grupo Cine Liberación taldearen aurreko aldean egon zen, kontzientzia soziala eta ahots politikoa garatuz. Perónen alde egiteko kanpainan aktiboa izan zen. 1970eko hamarkadan eskuineko indarrek mehatxatuta, bere aktoreetako bat hil egin zuten eta bera ere ia bahitu zuten.

Octavio Getinorekin batera, Solanasek "Hirugarren zinema baterantz" manifestua idatzi zuen. Hirugarren zinema politiko baten ideiak, Hollywoodeko zinemaren eta Europako autore zinemaren aurkakoa, garapen bidean dauden deitutako herrialde askotan zinemagileak bultzatu zituen.

Solanas Parisen erbesteratu zen 1976an, eta Argentinara itzuli zen 1983an demokrazia iritsi zenean.

Datuak: Q508497
Multimedia: Pino Solanas / Q508497

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.