Pilarrenea

Pilarrenea Idiazabalgo etxe bat da, Demetrio Jauregialtzo herriko seme indianoak eraikitako indiano-etxea. 21. mendean Idiazabalgo udalaren zerbitzu ezberdinen egoitza da: adinekoentzako eguneko zentroa, jatetxea eta hainbat ekintzatarako erabiltzen den kultur aretoa daude bertan kokatuta[1].

Pilarrenea
Kokapena
Herrialdea	Euskal Herria
Probintzia	Gipuzkoa
Udalerria	Idiazabal
Koordenatuak	43°00′39″N 2°14′05″W
Historia eta erabilera
Irekiera	1910
Arkitektura
Estiloa	Euskal estiloko arkitektura

Neobasko deituriko estiloan egindako etxea da, terraza handiarekin eta sarrerako arku dotoreekin. Kanpoaldean, lorategi zabala du; koniferoak, platanoak edota palmerak aurki daitezke bertan, beste landare batzuekin batera.

Jauregialtzo 1870. urtean jaio zen Idiazabalen, eta 16 urte zituela abiatu zen Argentina aldera. Aberastu egin zen, eta Argentinan bertan Pilar Gastaminza tolosarrarekin ezkondu zen. Idiazabalera itzuli zirenean, indiano etxea eraiki zuten 1910ean, eta emaztearen omenez, Pilarrenea izena jarri zion.