Pilar Arostegi

Bere lehen etapa profesionalean Sagrado Corazón de Jesús ikastetxean eta Nafarroako Unibertsitatean irakaskuntzan jardun zuen. 1965ean oposizio-lehiaketa bidez Gasteizko Udalean sartu zen administrari laguntzaile lanetan.

Artxibo-zereginetan egindako lehen urratsak Antonio Mañuecok gidatu zituen, eta harekin elkarlanean jardun zuen Arabako Lurralde Historikoko Artxiboan, Gasteizko Liburutegi Publikoan eta Foru Liburutegien Koordinazio Zentroan. Esperientzia profesional horrek eta bere espediente akademiko bikainak hiriko Artxibozain kargua betetzen zuen lehen emakumea izatea ahalbidetu zuten. 1972ko abuztuaren 3an artxibozain-liburuzain lanetarako kontratatu zuen Udalak. 1974ko martxoaren 1ean plazaz jabetu zen.[2] 1972tik 2006an hil zen arte, Gasteizko Udal Artxiboko buru izan zen. [3]

Arostegi Artxiboaren buru jardun zuen hiru hamarkadatan. Bere garapena nabarmena izan zen, bai bere funtsen bolumenari dagokionez – bi lekualdaketa egin behar izan baitzituen– , bai emandako zerbitzuen konplexutasunari eta aniztasunari dagokionez. Horrek erronka profesional garrantzitsuei aurre egitera behartu zuen, hala nola: dokumentuen kudeaketaren modernizazioa, tresna informatikoak ezartzea, Udaleko Tokiko Ikasketa eta Liburutegi Teknikoen sustapena, antolaketa eta deskribapen bibliografikoa [4] abian jartzea. Atal Grafikoak [5] eta Argazki Atalak ,[6] herritarrei, ikerlariei eta Udalari berari zerbitzatzea helburu nagusi duen artxiboa.[7] [8] Bildumen azterketa zehatzekin " Arabako artxiboen eta argazki bildumen errolda-gida " argitaratu zuen 1988an. [9]

Gasteizko Udal Buletinaren argitalpena zuzendu zuen 1973 [10] eta 1977 [11] artean. “Gasteiz Erdi Aroan” azterketa Historikoen I. Kongresuaren Antolakuntza Batzordearen parte izan zen. Hiriaren sorreraren 800. Urteurrena ospatzeko bere akten edizioa koordinatu zuen. [12] [13] [14] Inoiz gauzatu ez zen Hiri Museoa sortzeko proiektuan ere parte hartu zuen, [15] baita kultur eta hezkuntza jarduera ugaritan ere. [16]