Pierre Laval

Pierre Laval
	; Irudi gehiago
Frantziako gobernuburua
Frantziako Lehen Ministrordea
Frantziako Ministro Kontseiluaren presidentea
Frantziako Ministro Kontseiluaren presidentea
; Frantziako Nazio Biltzarreko kidea
Mayor of Aubervilliers (en)
Frantziako Hirugarren Errepublikako senataria
Bizitza
Jaiotza	Châteldon, 1883ko ekainaren 28a
Herrialdea	Frantzia
Bizilekua	Frantzia
Heriotza	Fresnes, 1945eko urriaren 15a (62 urte)
Hobiratze lekua	Montparnasseko hilerria; Cimetière parisien de Thiais (en)
Heriotza modua	: bala zauria
Familia
Seme-alabak	ikusi Josée Laval (en) ;
Familia	ikusi René de Chambrun (en) ();
Hezkuntza
Hizkuntzak	frantsesa
Jarduerak
Jarduerak	politikaria eta abokatua
	Parte-hartzailea kolaborazionismo Frantzian ;
Lantokia(k)	Paris
Jasotako sariak	ikusi Order of Pius IX ;
Kidetza	French Milice in Vichy (en)
Sinesmenak eta ideologia
Erlijioa	Erromatar Eliza Katolikoa
Alderdi politikoa	Langile-Internazionalaren Frantziar Sekzioa; hautagai independente

Pierre Laval (Châteldon, Puy-de-Dôme, Frantzia, 1883ko ekainaren 28a - Fresnes, Frantzia, 1945eko urriaren 15a) politikaria izan zen. Diputatu sozialista 1914tik aurrera. Aubervilliersko alkate izan zen 1923tik 1940ra bitartean, diputatu, sozialista independente gisa, 1924tik 1927ra, eta senatari 1927tik 1940ra bitartean. Lau aldiz izan zen ministro (Herri Lanak, 1925; Justizia, 1926; Lana, 1930 eta 1932, eta Kanpo Arazoak, 1935-1936), eta berak abiarazitako politikak haserre bizia sortu zuen, ezker aldean, bereziki. Kanpo-arazoetan ere, oso erabaki eztabaidatuak hartu zituen (elkarren laguntzarako akordioa Sobietar Batasunarekin eta, batez ere, Mussoliniren Italiarekiko hitzarmena). 1936an utzi behar izan zuen gobernua, eta 1940an itzuli zen, Pétainekin. Lehendakariorde izendatu zuten, eta naziekin lan egitera deitu zuen argi eta garbi. 1941ean kendu zuten kargutik, baina alemaniarrek berriro ezarri zuten 1942an. Barne Arazoetarako, Informaziorako eta Kanpo Arazoetarako ministro izan zen. Austriako bidea hartu zuen indar aliatuak Frantzian nagusitu zirenean, eta Espainia aldera jo zuen ondoren (1945eko maiatza). Estatu Batuetako militarrek hartu zuten atxilo Innsbrucken, eta Frantziako agintarien esku utzi zuten ondoren. Hiltzera kondenatu eta fusilatu zuten Fresnesen.

Vichyko erregimenaren, Lavalen, kolaborazionismoa

Pierre Lavalek gutun bat idatzi zion Von Ribbentropi, 1943ko maiatzaren 12an. Laval urte horretan Vichyko Erregimeneko Estatu-ministroa izan zen, eta Von Rivventrop, Alemania naziko Kanpo Arazoetako ministroa.

Gutunean argi uzten du boltxebikeenganako gorrotoa noraino heltzen zen frantziarren gizarte talde batean. Izatez naiz eta Labal buruzagi bat izan, frantziar askok gizon honek zuen pentsaera berdina zuten.

«	Alemania borroka izugarri baterako prestatu da, eta bere gazteen odola isuriko du, Europa boltxebike bihurtzetik babesteko, prozesu horrek gure kulturaren oinarriak erabat suntsituko bailituzke. Jakinarazi nahi dizuet Frantziako gobernuak ez duela axolagabekeriaz jokatuko zuen herrialdea borondatez egiten ari den sakrifizio itzel horren aurrean, eta zoritzarreko une honetan esan nahi dizuet, bat-batean eta argi, Frantzia (hau da, Vichyko gobernua)prest dagoela zuen ahaleginei laguntzeko, ahal duen neurrian eta inolako atzerapenik gabe.	»
Pierre Lavalen gutuna Von Ribbentropi, 1943ko maiatzaren 12an.

Erreferentziak

Wikimedia Commonsen badira fitxategi gehiago, gai hau dutenak: Pierre Laval

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q151983
Multimedia: Pierre Laval / Q151983

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.