Pierre Bidart

Pierre Bidart
Bizitza
Jaiotza	Baigorri, 1947ko abuztuaren 22a
Herrialdea	Nafarroa Beherea, Euskal Herria
Heriotza	Sofia, 2010eko irailaren 16a (63 urte)
Hezkuntza
Heziketa	Paris Nanterre Unibertsitatea
Tesi zuzendaria	Jean Cuisenier (en)
Hizkuntzak	euskara; frantsesa
Jarduerak
Jarduerak	antropologoa
Enplegatzailea(k)	Paueko eta Aturrialdeko Unibertsitatea ; Bordeleko Unibertsitatea
Lan nabarmenak	ikusi Lapurdum;
Kidetza	Société d'ethnologie française (en)

Pierre Bidart (Baigorri, 1947ko abuztuaren 22 – Sofia, 2010eko irailaren 16) Euskal Herriko antropologoa izan zen. Ikerketa lan ugariren egile, politikaren alorrean euskal departamenduaren eta abertzaletasunaren kontrako jarrera erakutsi zuen eta aldi berean Ipar Euskal Herriari buruzko hainbat ikerketa egin edota bultzatu zituen.

Artikulu hau antropologoari buruzkoa da; beste esanahietarako, ikus «Bidarte (argipena)».

Biografia

Paris-X Unibertsitatean Estatuko Doktorea zen Giza Letra eta Zientzietan. Paue eta Aturriko Herrietako Unibertsitatean Antropologia irakaslea izan eta gero Bordeleko Unibertsitatean (Bordele II Unibertsitatean hain zuzen) irakasteari ekin zion. Antropologiaren alorrean Unibertsitateetarako Ministerioaren menpean dagoen Goi Mailako Irakaskuntzaren Zuzendaritzako aditua zen. 2006tik Udako Antropologia Unibertsitatea antolatu zuen Irisarrin.

2010ean hil zenean Sofian (Bulgaria) zegoen, bi urterako hara bidali baitzuten Frantziako enbaxadak agindutako lan bat egitera.

Politika mailan PSren hautagaia izan zen zenbait aldiz: 1988an Baigorriko kantonamenduan Pirinio Atlantikoetako Kontseilu Orokorrerako eta 1993an Frantziako Biltzar Nazionalerako, departamenduko 4. hautesbarrutian.

Kulturaren alorrean Comité Izpegi taldearen sortzaile eta presidentea izan zen; taldeak Éditions Izpegi argitaletxea eta bestelako ekimenak bultzatu egin ditu[1].

Lanak

Ekialdeko Europako zein Euskal Herriko gizarteen aztertzailea izateaz gain eskualdeko arkitekturaz ere ikerketa lanak egin zituen. Lan aipagarrien zerrenda:

Le Pouvoir politique à Baigorri, village basque (Baiona, 1977).
La singularité basque: généalogie et usages (Paris, 2001).
Défendre la société (Éditions Atlantica, 2008).

Hil zenean Le Sanglier de feu. Les formes sensibles du politique Ipar Euskal Herriko abertzaletasunari buruzko lana prestatzen ari zen.

Beste batzuekin eginak

Récits et contes populaires du Pays basque. En Basse-Navarre (Paris, 1978).
Récits et contes populaires du Pays basque. Dans le Labourd (Paris, 1979)
La Nouvelle société basque: ruptures et changements (Paris, 1980)
Les pays Aquitains. Corpus d'architecture rurale française (Paris, 1985).
Société, politique, culture en pays basque (Baiona, 1986).
Régions, nations, États (Paris, 1991).
Amikuze: le pays de Mixe (Baigorri, 1992).
Le pouvoir de protéger: approches, acteurs, enjeux du patrimoine en Aquitaine (Talença, 1992).
Le Pays de Soule (Baigorri, 1994).
Architectes et architectures des Pays basques, XIXe-XXe siècles (1Baigorri, 1997).

Bere omenez

2011ko irailean Paue eta Aturriko Herrietako Unibertsitateak Angeluko Montaury auzoan duen campusean zabaldutako ikasleentzako etxebizitza eraikinari "Pierre Bidart" izena eman zitzaion[2].

Erreferentziak

Kanpo estekak

Pierre Bidart antropologoa hil da, Berria, 2010eko irailaren 20a.
(Frantsesez) Comité Izpegik Bidarten omenez eginiko biografia.
(Gaztelaniaz) Bidart Auñamendi Entziklopedian.
(Frantsesez) L'anthropologue Pierre Bidart est mort, Le Journal du Pays Basque, 2010eko irailaren 21a.

Datuak: Q3384000

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Izpegiren webgunea.

[2] Bordeleko CROUSen webgunea.