Pierre-Louis Lions

Pierre-Louis Lions (Grasse, Itsas Alpeak, 1956ko abuztuaren 11) frantses matematikaria izan zen. 1975etik 1979ra, École Normale Supérieure goi-mailako irakaskuntza-zentroan ikasi zuen. Tesia —H. Brézisen zuzendaritzapean egin zuena— Pierre eta Marie Curieren Unibertsitatean aurkeztu zuen 1979an. Hurrengo bi urteetan, Parisko Ikerketa Zientifikoko Institutu Nazionalean lan egin zuen, eta, 1981ean, irakasle-postu bat hartu zuen Paris-Dauphiné Unibertsitatean. 1992an, Matematika Aplikatuko irakasle egin zuten Eskola Politeknikoan. Lionsek funtsezko aurkikuntzak egin ditu matematika huts eta aplikatuetan, eta argitalpen asko egin ditu alor horietan. Ekarpen garrantzitsuenak ekuazio partzial diferentzial ez-linealen teorian egin ditu. Bestalde, Boltzmannen ekuazioak, beste ekuazio zinetiko zenbait eta aldakuntza-problemak ere landu ditu. Fields domina jaso zuen 1994ko Zuricheko Nazioarteko Matematikarien Kongresuan. Horretaz gainera, beste sari asko jaso ditu: Doistau-Blutet Fundazioaren saria (1986) eta Ampère saria (1992) Zientzietako Akademia Frantsesaren eskutik, IBM saria (1987) eta Philip Morris saria (1991). Zientzietako Akademia Frantseseko kide, Napoliko Akademiako kide eta Europako Akademiako kide ere bada. Bestalde, Frantziako Ohorezko Legioko Zalduna da. 2002an, Collège de Franceko irakasle izendatu zuten, eta, 2009an, École Normale Supérieureko administrazio-kontseiluaren lehendakari.

Pierre-Louis Lions
Irudi gehiago
Bizitza
Jaiotza	Grasse, 1956ko abuztuaren 11 (67 urte)
Herrialdea	Frantzia
Familia
Aita	Jacques-Louis Lions
Hezkuntza
Heziketa	École normale supérieure Lycée Louis-le-Grand (en)
Hezkuntza-maila	doktoretza
Tesi zuzendaria	Haïm Brezis (en)
Doktorego ikaslea(k)	Nader Masmoudi (en) Benoît Perthame (en) Cédric Villani Claude Le Bris (en) Emmanuel Givois (en) Cassio Neri (en) Jean Dolbeault (en) Bénédicte Alziary (en) Benoît P. Desjardins (en) Patrick Fischer (en) Isabelle Catto (en) Guy Barles (en) Jean-Luc Coron (en) Anne-Laure Dalibard Maria Jesus Esteban Assohoun Venance Adje (en) Charles Bertucci (en) Jean-François Léon (en) Benoît Desjardins (en)
Hizkuntzak	frantsesa ingelesa
Jarduerak
Jarduerak	matematikaria eta unibertsitateko irakaslea
Parte-hartzailea International Mathematical Olympiad (en)
Enplegatzailea(k)	Collège de France
Jasotako sariak	ikusi Fields Domina  (1994) Ohorezko Legioko komandantea Prix Ampère  (1992) Cours Peccot  (1983) honorary doctor of Heriot-Watt University honorary doctor of ETH Zürich  (2010)
Kidetza	Frantziako Zientzien Akademia Linzeen Akademia French Academy of Technologies (en) Academia Europaea (en) Brazilian Academy of Sciences (en)