Pianoarentzako 29. Sonata (Beethoven)

Pianoarentzako 29. Sonata si bemol nagusian Op. 106, Hammerklavier azpitituluduna, Ludwig van Beethovenen pianoarentzako azken sonatetako bat da.

Pianoarentzako 29. Sonata (Beethoven)
Jatorria
Sorrera-urtea1817
Argitaratze-data1819
Ezaugarriak
TonoaSi bemol maior
Nori eskainiaArchduke Rudolf of Austria (en) Itzuli
Egile-eskubideakjabetza publiko
Bestelako lanak
MusikagileaLudwig van Beethoven
IMSLP: Piano_Sonata_No.29,_Op.106_(Beethoven,_Ludwig_van) Allmusic: mc0002658180 Edit the value on Wikidata
Lehen mugimenduaren hasiera.

Literalki, Hammerklavier hitzak mailudun pianoa esan nahi du, eta pianoa klabizenbaloagandik ezberdintzeko erabiltzen zen. Lanak bere ezizena Beethovenek berak portadan idatzi zuen goiburuari zor dio: Große Sonate für das Hammerklavier (Mailudun pianoarentzako Sonata Handia).

Berrogei minutu inguruko iraupenarekin, idatzi den sonatarik luzeenetako bat da. Beethovenek, sortzean, honako hau esan zuen: "jada badakit konposatzen".

Historia

Argitaratu zenean, ez zuen harrera onik jaso publikoaren partetik, eta pianojole bakar bat ere ez zen ausartzen halako sonata jotzen, pianojoleagandik beste edozein lanek baino askoz gehiago exigitzen bait du teknika aldetik. Konposaketa honek "tentazioa" sortu die azken ehun urtetako pianojole handi guztiak, baita Artur Schnabel bezalako handi batzuk, sekula euren interpretazioarekin pozik geratu ez zirenak.

Sonata honek hain zailtasun tekniko handiak zituen, berau interpretatzen saiatzen ziren guztiek harresi gaindiezin baten aurka jotzen zutela. Beethovenek amaitu zuenean honako hau esan zuen: "Hau berrogeitamar urte barru joko duten pianojoleei arazorik emango ez dien lan bat da". Eta ez zitzaion arrazoirik falta. Esaten denez, Franz Liszt izan zen publikoaren aurrean lan hau jogarria zela frogatu zuen lehena. Eta ez dira soilik zailtasun teknikoak gainditu behar, erregistro ezberdin barietate handi baten mugitzen jakin eta horietatik onik irten ere egin behar da.

Mugimenduak
Pianoarentzako Sonata Op. 106, Hammerklavierren eskuizkribua.

Sonata honek honako lau mugimendu hauek ditu:

  • Allegro
  • Scherzo Assai vivace
  • Adagio sostenuto. Appassionato e con molto sentimento
  • Largo Allegro risoluto


Aurrekoa
Pianoarentzako 28. Sonata		 Beethovenen pianoarentzako sonatak
1818		 Ondorengoa
Pianoarentzako 30. Sonata

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.