Philippe Bernier

Philippe Bernier
Bizitza
Jaiotza	Bois-Colombes, 1930eko abuztuaren 17a
Herrialdea	Frantzia
Heriotza	Tolosa Okzitania, 2000ko apirilaren 17a (69 urte)
Hezkuntza
Hizkuntzak	frantsesa
Jarduerak
Jarduerak	kazetaria

Philippe Bernier (Bois-Colombes, 1930eko abuztuaren 17a - Tolosa, 2000ko apirilaren 17a) Frantziako kazetari eta idazlea izan zen.

1950eko hamarkadan kazetari gisa hasi zen lanean, Marokon, irrati nazionalean. Independentziaren aldeko borroka giroan, independentisten aldeko jarrera hartu zuen. 1958an Aljerren hasi zen lanean, Radiodiffusion-Télévision Française Frantziako irrati-telebistan. Han FLNren aldeko agertu zen[1].

Geroago Parisera joan zen. Haren izena lotu zen Mehdi Ben Barkaren bahiketarekin. Deskolonizazioari buruzko dokumental bat prestatzen ari zen, eta bere lagun Ben Barkari elkarrizketa egiteko aukera zabaldu zuen. Baina, bahiketaren antolatzaileak aukera hartaz baliatu ziren Ben Barka erakartzeko bahituko zuten lekura. Bernier epaitu zuten, baina absolbitu.

Mugarik Gabeko Medikuak erakundearen sortzaileetako bat izan zen[2].

Erreferentziak

Monneret, Jean. La phase finale de la guerre d'Algérie. L'Harmattan.
Pécresse, Jean-Francis. (2001/12/20). «Enquête • Les trente ans des « french doctors »» Les Échos (Noiz kontsultatua: 2020/1/24).

Datuak: Q2087524

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Monneret, Jean. La phase finale de la guerre d'Algérie. L'Harmattan.

[2] Pécresse, Jean-Francis. (2001/12/20). «Enquête • Les trente ans des « french doctors »» Les Échos (Noiz kontsultatua: 2020/1/24).