Philip Marlowe

Philip Marlowe Raymond Chandlerek sortutako detektibe pribatua da. Raymond Chandleren idazlan askotan agertzen da Betiko loa eta Ez adiorik eleberriak barne. Marlowe Finger Man izenburuko narrazio laburrean agertu zen lehen aldiz. Narrazio hori Black Mask aldizkarian argitaratu zen 1934an. Hala ere, lehen idazlan horretan Marlowek ez zeuzkan gero garatuko zituen ezaugarriak. Halaber, narrazio horretan San Angelo hiri asmatuan bizi zen; handik aurrera, ordea, Los Angelesen.

Philip Marlowe
Argitalpena
Sortzailea	Raymond Chandler
Ageri den obrak	ikusi Betiko loa
Interpretatzailea	ikusi Dick Powell Humphrey Bogart Powers Boothe Liam Neeson
Eponimoa	Christopher Marlowe
Datu biografikoak
Jaiotza	Santa Rosa (Kalifornia)
Herrialdea	Ameriketako Estatu Batuak
Sexua	gizonezkoa
Garaiera	6 ft
Jarduera	private investigator (en) xakelaria
Egoera medikoa	alkoholismo eta tabakismo
Bestelakoak
Kirola	xake

Marlowe detektibeen eleberri estatubatuarren pertsonaia tipikoa da. Izan ere, detektibeak gizarte usteldu baten behatzaile ezkor eta zinikoak ziren, 1920ko hamarkadan Dashiell Hammettek eta Black Mask aldizkariak hasi zuten eleberri-genero horretan. Hala ere, detektibe pribatu gogor eta edalearen azalaren azpian, filosofo bat ezkutatzen da. Marlowek xakea eta poesia gogoko ditu; ez du biolentziarik erabiltzen bere lanbidean; eta bere moralari esker, femme fatalen erasoei eusten ditu.

Marlowe askotan zinemaratu da. Honako hauek antzeztu dute Marloweren papera: Humphrey Bogart, George Montgomery, Robert Mitchum, Elliot Gould, Danny Glover, James Caan eta James Garner.