Peugeot
Peugeot frantziar auto-ibilgailu marka bat da. Peugeot, XIX. mende bukaeran, bizikleta eta kafe-errotak egiten hasi zen. 1974an Peugeotek Citroën ibilgailu marka erosi zuen eta biak batera Europako bigarren ibilgailu egile marka sortu zuten, enpresa taldeari PSA Peugeot – Citroen izena emanez.
| Peugeot | |
|---|---|
 | |
| Lions of our time | |
| Datuak | |
| Mota | automobile manufacturer (en)  , historical motorcycle manufacturer (en) , racecar constructor (en) , Marka eta kapital irekiko enpresa |
| Jarduera sektorea | Q112165628 |
| Herrialdea | Frantzia |
| Jarduera | |
| Eskumendekoak | IKAP (en) |
| Enplegatuak | 208.780 (2019) |
| Ekoizpena | |
| Negozio dibisioak | Peugeot Sport (en) |
| Agintea | |
| Zuzendari exekutiboa | Linda Jackson |
| Egoitza nagusi | |
| Legezko forma | public limited company with a board of directors (n.o.s.) (en) |
| Jabea | Stellantis |
| Historia | |
| Sorrera | 1810eko irailaren 26a |
| Sortzailea | Armand Peugeot (en) |
| Aurrekoak | Chrysler Europe (en) eta Rootes Group (en) |
webgune ofiziala   .svg.png.webp){kind=small}  | |
Historia
XIX. mendearen hasieran, Jean-Jacques Peugeot Doubs herri ondoan kokatu zen, kafe-errotak ekoizteko. 1885ean, Armand Peugeot bizikletak egiten hasi zen, eta, gaur egun, Peugeot Cycles izenarekin segitzen du sekzio horrek. Gatz eta piper ontzien ekoizle famatuak ere badira, eta oraindik ontzietan lehoi irudiaz dekoratzen segitzen dute. Azkenik, 1889an, Armand Peugeot autoak egiten hasi zen.
Enpresa taldeen bilakaera
Modeloak
1929an 201 modeloa ekoizten hasi zen. Gaur egun Peugeotek 208, 308, 408, 508, 2008, 3008, 4008, 5008, 807 auto modeloak ekoizten ditu, besteak beste.
Peugeot auto guztiek lehoi baten irudia eramaten dute, eta Peugeoten modeloen zenbaki gehien-gehienak hiru digitukoak dira. Ehunekoen digituak ibilgailuaren tamaina adierazten du. Hamarrekoen digitua zero zenbakia da, eta marka erregistratua da. Eta banakoen digituak automobilaren belaunaldia adierazten du (nahiz eta kontraesanen bat baden). Horri lotuta, Peugeoten eta Porscheren artean arazoak sortu ziren, bigarren hori Porsche 901 modeloa saltzen hasi zenean. Peugeotek Porsche epaitegietara eraman zuen. Epaiketa Peugeotek irabazi zuen. Izan ere, hamarrekoen digitua zero marka erregistratua zen; beraz, auto hark Porsche 911 izena hartu behar izan zuen. Gaur, enpresa bien artean harreman onak dituzte.
Kirol lasterketak
Peugeot rallyetan urte askotan irabazle izan zen. Gaur, Citroen izenekin parte hartzen du, eta irabazle izaten da gehienetan, bai gidari lehiaketetan baita ekoizle txapelketetan. Peugeot Le Manseko 24 Orduetan partaide izan da eta garaipenak ere lortu ditu bertan. Peugeotek 1 Formulan ere parte hartu du, baina inoiz ez du lortu garaipenik. Horregatik, 2000an 1 Formula utzi zuen. Peugeoten autoak film askotan ikusi dira.
Gaur egun, Peugeotek egiten dituen autoek ingurumenarekin zerikusi handia daukate. Izan ere, auto gero eta ekologikoagoak izan behar dira. Orain, auto elektrikoa ekoizteko lanetan dabil Peugeot.
