Petru Rocca

Petru Rocca (1887ko irailaren 28, Vico – 1966ko ekainaren 7, Vico), idazle eta nazionalista korsikarra izan zen.

Petru Rocca
Bizitza
Jaiotza	Vico, 1887ko irailaren 28a
Herrialdea	Korsika
Heriotza	Vico, 1966ko ekainaren 7a (78 urte)
Hezkuntza
Hizkuntzak	frantsesa korsikera
Jarduerak
Jarduerak	politikaria eta idazlea
Parte-hartzailea kolaborazionismo Frantzian
Zerbitzu militarra
Parte hartutako gatazkak	Lehen Mundu Gerra

Amuvra, Petru Roccaren aldizkaria.

A Tramuntana astekariarekin kolaboratu zuen. Lehen Mundu Gerran parte hartzera deitua izan zen 1914an. Frontean zegoela El pato de la ciénaga idatzi zuen. Hainbat alditan zauritu zuten, eta Ofizial eta Ohorezko Legioko Zalduna izendatu zuten.

1920ko maiatzaren 15a geroztik A Muvra aldizkarian idazten hasi zen. Horrela, argitaratzaile egin zen Ajaccion . 1922ko amaieraren eta 1923ko hasieraren artean Partitu Corsu d'Azione (Ekintzako Alderdi Korsikarra) Partito Sardo d'Azionen (Ekintzako Alderdi Sardiniarra) oinarrituz.

Autonomista izatetik italianista izatera pasa zen. Gainera, alderdiak Partitu Corsu Autonomista (Alderdi Autonomista Korsikarra) izena hartu zuen 1926an ala 1927an. Rocca adibide katalanak eta irlandarrak goraipatzen zituen.

1920ko hamarkadan, Bretainiako, Flandesko, Alsaziako eta Euskal Herriko talde autonomistekin harremanak izan zituen. Peuples et frontières aldizkariaren Korsikari buruzko atalaz arduratu zen 1936a geroztik. Aldizkaria Bigarren Mundu Gerra baino lehenago zeuden Alderdi Autonomista faxisten atala zen. Hori dela eta, Olier Mordrel, Jean-Marie Gantois eta Hermann Bickler nazismoarekin loturiko buruzagi autonomistekin harremanak izan zituen.

1935an, bere burua independentista jo zuen. Italiak korsikarrak bultzatzen hasi zen eta hango poetak Italiara joateko gonbidatuak izan ziren. Hala ere, nahiz eta hizkuntzalari italiarrek Italiaren aldeko aldarrikapena sustatu nahi zuten, Roccak toscanera eta korsikera italiera ez zen hizkuntz komun batetik zetorrela defendatu zuen.

1938an, Ohorezko Legioko Zalduna titulua kendu zioten. A Muvra aldizkaria artikulu antisemita eta antimasoiak argitaratzen hasi zen. 1939an, justiziarekin arazoak izan ondoren, aldizkaria debekatu zuten.

Frantziak, Mussoliniren Italiaren irredentismoari beldurra zioenez, A Muvra itxi zuen. Autonomistak irredentistekin bat egin baitzuten. Porrot eginda zegoela, hamabost urteko kartzela-zigorra ezarri zioten 1946an.

1953an, korsikera defendatzeko akademia bat sortu zuen.