Petersen proiekzio

Peters-en proiekzioa —modu egokiagoan Gall-Petersen proiekzioa— Lurra plano batean irudikatzeko era alternatibo bat da. Arno Peters kartografo alemaniarrak proposatu zuen 1974. urtean; eta 1990ean kartografia horretan oinarritutako atlasa argitara eman zuen.

Gall-Petersen Lurraren proiekzioa.

Petersen proiekzioak munduko mapen irudikapen tradizionala —Mercator proiekzioan oin hartzen zuena— zalantzan jarri zuen. Petersen aburuz, proiekzio tradizional horrek kartografoen ikuspegi eurozentrikoa agerian uzten zuen. Petersen proiekzioan, berriz, mapan marraztutako eremuak benetako eremuekiko proportzionalak dira.