Peter Minuit

Peter Minuit, Pierre Minuit edo Peter Minnewit (Wesel, 1580 – Saint Christopher, 1638ko abuztuaren 5a) Herbeherea Berriak kolonia nederlandarren zuzendari nagusia izan zen 1626 eta 1633 urte bitartean, eta, 1638an, Suedia Berria kolonia suediarra sortu zuen. Tradizioaren arabera, 1626ko maiatzaren 24an, Minuitek Manhattan uhartea bertako aborigenei erosi zien 60 guilder edo guldenen truke (egungo 24 estatubatuar dolar).

Peter Minuit

3. Director-General of New Netherland (en) Itzuli

1626 - 1631
← Willem Verhulst (en) Itzuli - Sebastiaen Jansen Krol (en) Itzuli →
Bizitza
JaiotzaWesel, 1580
HerrialdeaHegoaldeko Herbehereak
HeriotzaSaint Kitts, 1638ko abuztuaren 5a (57/58 urte)
Jarduerak
Jarduerakpolitikaria, militarra eta colonial administrator (en) Itzuli
Graduaamiral

Biografia
Peter Minuitek Manhattan uhartea erosi zueneko tokia

Peter Minuit, Pierre Minuit edo Peter Minnewit Wesel, 1580an jaio zen Weselen. Erreformaren ondoren, protestante eta katolikoen arteko tentsio erlijiosoa nabaria zen eta Hogeita Hamar Urteko Gerra ezinbesteko gertatu zen. Minuit familia valoniarra Tournaitik etorria zen eta Habsburgotarren Herbehereetako gobernu katolikoari ihes egin eta Wesel hirian errefuxiatu zirenetakoa zen.

1625eko abenduan, 45 urte zituenean, Mendebaldeko Indietako Konpainia holandarrak Herbeherea Berrietako hirugarren Zuzendari Nagusia izendatu zuen Minuit. Ipar Amerikarantz nabigatu zuen eta, 1626ko maiatzaren 4an, koloniara iritsi zen[1].

Tradizionalki, esan ohi da, 1626ko maiatzaren 24an, Minuitek Manhattan uhartea erosi ziela bertako indigenei (ziurrenik lenape tribukoak) 60 guldenen truke. Transakzio hau, normalean, aldebakarrekotzat ikusia dago, holandarraren probetxurako, eta are gehiago, Manhattango istorio herrikoi baten arabera, Minuitek okerreko tribuari (Long Islanden bizi ziren carnesiei) erosiko zion uhartea[2].

1631n, Mendebaldeko Indietako Konpainia holandarrak Minuit kargutik kendu zuen eta hau Europara itzuli beharrean izan zen. Era berean bota zuten konpainiatik bere laguna zen Willem Usselincx eta honek ohartarazi zuen Minuit Suediaren ahaleginetaz. Delaware ibaian kolonia bat sortu nahian zebilen, Herbehereak Berrien hegoaldean. 1636 edo 1637 inguruan, Minuitek Samuel Blommaert eta gobernu suediarrarekin negoziatu zuen Mundu Berrian kolonia suediar bat sortzeko. Delaware ibaiaren ibilbidean kokatuta, antzina holandarrek erreklamatzen zuten lurraldearen barnean, Suedia Berria deituko zioten.

1638ko udaberrian iritsi ziren Minuit eta bere lagunak Swedes'Landing (gaurko Wilmington) izeneko tokira. Minuitek Fort Christina eraiki zuen urte horretan eta Stockholmera itzuli zen beste kolono talde baten bila. Dirua aurreztu nahian, Europara joan aurretik Karibetik pasatzen zen tabako itsasontzi bat hartu zuten horretarako. Saint Kitts eta Nevis uharte inguruan, zikloi tropikal batek harrapatu zituen eta Peter Minuit eta gainontzeko eskifaia hantxe hil zen 1638ko abuztuaren 5ean [3].

Wikimedia Commonsen badira fitxategi gehiago, gai hau dutenak: Peter Minuit Aldatu lotura Wikidatan

Erreferentziak
  1. (Ingelesez)https://web.archive.org/web/20111003112520/http://www.wesel.de/C125759F00493DB1/html/D724335345623923C12574D60036E797?Open
  2. (Ingelesez)http://www.straightdope.com/columns/read/715/how-much-would-the-24-paid-for-manhattan-be-worth-in-todays-money
  3. (Ingelesez)https://web.archive.org/web/20120526020222/http://www.nnp.org/nni/Publications/Dutch-American/minuit.html
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.