Persona non grata

Persona non grata (latinez persōna nōn grāta; plurala: persōnæ nōn grātæ) literalki pertsona ez atsegina, alegia ongietorria ez den pertsona. Laburbilduz, gaitzespen izendapen bat da. Lege esanahi zehatza duen diplomaziako izendapen bat da.

Norbait, norbaitzuk, erakunde bat edo erakunde batzuk estatu, herrialde, hiri edo udalerri batean ongietorria ez dela edo bere bertaratzea atsegin ez dutela adierazteko maiz erabiltzen den izendapena da. Izendapen hau ofiziala izateko bertako agintaritzako ordezkariak biltzartu eta bozketa baten ondoren izendapena onartu edota ukatzen da. Maiz, izendapen hau jaso izanaren arrazoien artean izendatuak gai batekiko adierazpenak edota bere jokabidea izan ohi dira.

Berez, izendapenak ez du jasotzen duenari bertaratzeko debekurik ezartzen, baina persona non grata izendapena jaso duenarentzat desatsegina dela argi dago, hedabideen eta jendaurrean harekiko aurkakotasun, gaitzespen edota desatsegintasun sentipena agerian edo ikusgai gelditzen baita.