Persona (filma)
Persona 1966ko Ingmar Bergman suediar zinema zuzendariak zuzendutako film dramatiko bat da. Bibi Andersson, Liv Ullmann, Gunnar Björnstrand eta Margaretha Krook aktoreek antzeztu zuten.
| Persona (filma) | |
|---|---|
| Jatorria | |
| Argitaratze-data | 1966 |
| Izenburua | Persona |
| Jatorrizko hizkuntza | suediera |
| Jatorrizko herrialdea | Suedia |
| Banatze bidea | eskatu ahalako bideo |
| Ezaugarriak | |
| Genero artistikoa | art film (en)  eta film dramatikoa |
| Hizkuntza | suediera |
| Iraupena | 84 minutu |
| Kolorea | zuri-beltzekoa |
| Zuzendaritza eta gidoia | |
| Zuzendaria(k) | Ingmar Bergman |
| Gidoigilea(k) | Ingmar Bergman |
| Antzezlea(k) | |
| Ekoizpena | |
| Ekoizlea | Ingmar Bergman |
| Konpainia ekoizlea | SF Studios (en) |
| Edizioa | Ulla Ryghe (en) |
| Bestelako lanak | |
| Musikagilea | Lars Johan Werle (en) |
| Argazki-zuzendaria | Sven Nykvist |
| Jantzi-diseinatzailea | Max Goldstein (en) |
| Fikzioa | |
| Kontakizunaren tokia | Suedia |
          | |
Suediar zuzendariaren film ausartenetakoa da, zinemagintzako Nouvelle Vague frantziar eta Free Cinema anglosaxoi mugimendu berritzaileen elementu abangoardista asko sartzen baiditu. Latinezko Persona izenburuak jatorriz aktoreek antzeztokian janzten duten mozorroaren aipamena da.
Maiz inoizko film onenen zerrendetan sailkatua agertu ohi da, Bergmanen maisulantzat hartzen da.
Argumentua
Elisabet Vogler (Liv Ullmann) antzerkiko aktore ezaguna Elektra antzezlana antzezten ari dela ahotsik gabe geldituko da. Ospitalean sartu eta inongo gaixotasunik izan ez arren hitzik egin ezinik jarraitzen du. Bere mututasunetik ateratzeko, Alma (Bibi Andersson) erizainarekin batera udaldiak igarotzen dituen etxean bizitzen jarriko da.
Han bi emakumeen harremana ia sinbiosi batean bilakatuko da. Almak Elisabeten isiltasuna berak bizitako kontakizunekin ordezkatuko du, hauetan aktoreari bere barne-barneko sekretuak kontatuko dizkio. Elisabeten senarraren agerpenak (Gunnar Björnstrand) bi emakumeen artean ezarri den lotura estua gauzatuko du.
Aktoreak
Pantailan minutu bat baino gehiago agertzen diren aktore bakarrak Bibi Andersson eta Liv Ullmann izan, Elisabet Voglerrek (Ullmannen pertsonaia) film osoan hamalau hitz bakarrik esaten ditu.
- Bibi Andersson: Alma, erizaina
- Liv Ullmann: Elisabet Vogler, aktorea
- Margaretha Krook: Medikua
- Gunnar Björnstrand: Vogler jauna
- Jörgen Lindström: Mutikoa, Elisabeten semea
Kanpo estekak
- Persona filmaren iragarkia ikusgai. Youtube.com (Ingelesez)
- Persona filmaren IMDBko fitxa irakurgai (Ingelesez)
