Peptona

Peptonak animaliengandik edo landareetatik datozen polipeptidoak dira, proteinak hidrolizatutakoan sortzen direnak. Proteinen hidrolisi hori entzima bereziak erabiliz (tripsina, pepsina...) osatzen da. Peptonak oso erabiliak dira mikrobiologian, hazkuntza-inguruak prestatzeko; izan ere, bakterioek behar dituzten karbonoa, nitrogenoa, sufrea, fosforoa eta beste mineral batzuk ere dauzkate peptonek.

Peptonen osagai nagusia, beraz, polipeptidoak dira. Hidrolizatzen diren proteinak kaseina, gelatina, sojaren irina, animalien haragia, etab. izaten ohi dira. Kaseinatik lortzen den peptona triptona izenekoa da.

Peptonak lortzeko gehien erabiltzen diren entzima hidrolitikoak tripsina, pepsina eta pankreatina izaten dira.

Peptona oso higroskopikoak dira. Horrek esan nahi du aire hezeak erraz hondatzen dituela. Hori dela-eta, biltegi lehorretan gorde behar dira.

Erabilerari dagokionez hauek dira ohikoenak:

• mikrobiologian, hazkuntza-inguruak prestatzeko

• industria kosmetikoan

• janari-industrian (gehigarri gisa)

• animalien elikaduran, etab