Luzoker
Luzokerra (Cucumis sativus) Cucurbitaceae familiako landarea da, belarkara eta urterokoa. Kuialuze, konkonbre (Ipar Euskal Herrian) eta pepino (Hego Euskal Herrian) izenak ere hartzen ditu. Jatorriz Indiakoa da, baina gaur egun mundu osoan hazten da, haren fruituak barazki modura jateko.
| Luzoker | |
|---|---|
 | |
| Sailkapen zientifikoa | |
| Erreinua | Plantae |
| Ordena | Cucurbitales |
| Familia | Cucurbitaceae |
| Leinua | Benincaseae |
| Generoa | Cucumis |
| Espeziea | Cucumis sativus |
| Datu orokorrak | |
| Gizakiak ateratzen dizkion produktuak | pepino |
| Genomaren kokapena | plants.ensembl.org… |
Ezaugarriak
Luzokerra aihen landarea da, igokaria, gorantz igotzeko euskarria aurkitzen duenean hostotxo kiribilen bidez euskarriaren inguruan kiribiltzen dena. Hosto zabalak ditu, fruituak eta zurtoina erabat estaltzen dutenak.
Zurtoinak 4 metrorainoko luzera eduki dezake. Loreak hori kolorekoak eta monoikoak dira. Fruitua zilindrikoa da, luzanga, 60 cm arte eduki ditzakeena luzeran eta 10 cm zabaleran. Barnean haziak dituztenez eta lore batetik garatzen direnez, fruituak dira berez; hala ere, tomatea eta kuia bezala, barazki modura jaten dira, ez fruta modura.
Barietateak
- Cucumis sativus var. anatolicus Gabaev
- Cucumis sativus var. anglicus L. H. Bailey
- Cucumis sativus var. cilicicus Gabaev
- Cucumis sativus var. europaeus Gabaev
- Cucumis sativus var. falcatus Gabaev
- Cucumis sativus var. indo-europaeus Gabaev
- Cucumis sativus var. irano-turanicus Gabaev
- Cucumis sativus var. izmir Gabaev
- Cucumis sativus var. squamosus Gabaev
- Cucumis sativus var. testudaceus Gabaev
- Cucumis sativus var. tuberculatus Gabaev
- Cucumis sativus var. vulgatus Gabaev
Galeria
Lorea
Landare jaio berria
Fruitua txikitan
Fruitua biltzeko prest
Luzoker txiki onduak
Kanpo estekak
- (Gaztelaniaz) Castroviejo et al., Flora iberica (1980-2008)
| Autoritate kontrola |
|
|---|
Datuak: Q23425
Multimedia: Cucumis sativus / Q23425
Espezieak: Cucumis sativus