Peggy Bacon

Margaret Frances "Peggy" Bacon (Ridgefield, 1895eko maiatzaren 2a - Kennebunk, Maine, 1987ko urtarrilaren 4a) irudigile, margolari, marrazkilari eta idazle estatubatuarra izan zen. Bere marrazki ironiko eta umoristikoengatik ezaguna izan zen, baita 1920 eta 1930eko hamarkadetan ospetsuak izan ziren pertsonaien karikatura satirikoengatik ere. [1]

Peggy Bacon
Irudi gehiago
Bizitza
Jaiotzako izen-deiturak	Margaret Frances Bacon
Jaiotza	Ridgefield (Connecticut), 1895eko maiatzaren 2a
Herrialdea	Ameriketako Estatu Batuak
Bizilekua	Ridgefield (Connecticut)
Heriotza	Kennebunk (en) , 1987ko urtarrilaren 4a (91 urte)
Familia
Ezkontidea(k)	Alexander Brook (en)  (1920ko maiatzaren 4a -
Hezkuntza
Heziketa	Art Students League of New York (en) Kent Place School (en)
Hizkuntzak	ingelesa
Jarduerak
Jarduerak	margolaria, grabatzailea, idazlea, poeta, marrazkilaria eta artista
Jasotako sariak	ikusi John Simon Guggenheim Memorial Foundation beka  (1934) American Academy of Arts and Letters Gold Medals
Kidetza	Ameriketako Estatu Batuetako Arte eta Letren Akademia
Izengoitia(k)	Brook, Mrs. Alexander eta Bacon, Margaret Frances

Oso artista emankorra zen. 1919an, 24 urte zituela, bere lehen liburua idatzi zuen, The True Philosopher and Other Cat Tales (Egiazko filosofoa eta katuen beste ipuin batzuk). [2] Ia 60 liburu ilustratu zituen, eta horietatik 19 berak idatzi zituen, tartean The Inward Eye arrakastatsua, 1952an Edgar sarirako izendatua, beldurrezko edo misteriozko nobelarik onenari. [3] Bere marrazki batzuk The New Yorker, New Republic, Fortune eta Vanity Fair bezalako argitalpenetan agertu ziren, baita museo eta galerietan maiztasun handiz erakutsi ere. 1934an Guggenheim beka eman zioten arte grafikoetan egindako lanagatik. [4] 1947an Diseinu Akademia Nazionaleko kide gisa sartu zuten. 1975ean, Arte Ederren Bilduma Nazionalak, gaur egun Amerikako Arte Nazionaleko Museoak, Bacon saritu zuen "Peggy Bacon: Personalities and Places" izeneko atzera begirako erakusketa batekin. [5]