Pedro de Mendoza
Pedro de Mendoza y Luján (Guadix, Granada, 1487 aldean - Ozeano Atlantikoa, Kanarietatik hurbil, 1537ko ekainaren 23a) espainiar militar, almirante eta konkistatzailea izan zen. Buenos Aires hiriaren lehen fundatzailea izan zen.
| Pedro de Mendoza | |
|---|---|
 | |
| Bizitza | |
| Jaiotza | Guadix, 1487 (egutegi gregorianoa) |
| Herrialdea |  Espainia |
| Heriotza | Ozeano Atlantikoa, 1537ko ekainaren 23a (49/50 urte) |
| Heriotza modua | berezko heriotza: Sifilia |
| Hezkuntza | |
| Hizkuntzak | gaztelania |
| Jarduerak | |
| Jarduerak | esploratzailea eta militarra |
| Sinesmenak eta ideologia | |
| Erlijioa | Erromatar Eliza Katolikoa |
  | |
Bizitza
Guadixko familia noble batean jaio zen. Zenbait kargu izan zituen Karlos Habsburgokoaren gortean, eta Italia, Alemania eta Austriako kanpaina militarretan aritu zen. 1534ko maiatzaren 21ean erregeak Río de la Platako adelantado (gobernari nagusi) izendatu zuen; lurraldeak konkistatzea, indigenak kristautzea, hiriak sortzea eta Ozeano Atlantikotik Inken Inperioraino joan ahal izateko bideak irekitzea ziren haren egitekoak[1].
Espedizioa 1535eko abuztuaren 24an abiatu zen Sanlúcar de Barramedatik, eta 1536ko hasieran Río de la Plataren estuarioan ainguratu zen. 1536ko otsailaren 2an lehenbiziko kokalekua, fundatu zuen: Puerto de Nuestra Señora María del Buen Aire, gaur egungo Buenos Aires. Ekainaren amaieran indigenek Buenos Aires inguratu zuten, espainiarrak oso egoera larrian utziz[1]. 1537ko apirilean, sifiliak jota zegoen Mendoza Espainia aldera itsasoratu zen, Juan de Ayolas espedizioaren buruan utzirik[2]. Pedro de Mendoza Espainiara zeraman ontzian hil zen, Kanaria uharteetatik gertu[1].
Erreferentziak
- Pedro de Mendoza. guadix.es (Noiz kontsultatua: 2015-08-25).
- Pedro de Mendoza. biografiasyvidas.com (Noiz kontsultatua: 2015-08-25).
  |
Artikulu hau Andaluziako biografia baten zirriborroa da. Wikipedia lagun dezakezu edukia osatuz. |
| Autoritate kontrola |
|---|
Datuak: Q434564
Multimedia: Pedro de Mendoza / Q434564