Pedro Soraluze
Pedro Manuel Soraluze Zubizarreta (XIX. mendearen erdialdera, Donostia, Gipuzkoa – 1919ko abenduaren 1a, Donostia, Gipuzkoa) euskal historialari, kazetari eta iragarkigile bat izan zen.
| Pedro Soraluze | |
|---|---|
| Bizitza | |
| Jaiotza | Donostia, XIX. mendearen erdialdera |
| Herrialdea |  Gipuzkoa, Euskal Herria |
| Heriotza | Donostia, 1919ko abenduaren 1a ( urte) |
| Familia | |
| Aita | Nikolas Soraluze |
| Hezkuntza | |
| Hizkuntzak | gaztelania |
| Jarduerak | |
| Jarduerak | historialaria, kazetaria, advertising person (en)  eta publizista |
Nikolas Soraluzeren semea eta Kandido Soraluze musikariaren iloba izan zen, baita Jose Maria Usandizaga donostiar konposatzaile ospetsuaren osaba ere (bere arreba haren ama baitzen).
Ibilbidea
Gaztetatik hainbat egunkari eta aldizkarietan lan egin zuen. 1902an Donostiako San Telmo museo sortu berriaren lehenbiziko zuzendaria izen zen, kargu honetan lan bikaina eginez bere heriotzararte egon zelarik. 1914an Espainiako Errege Akademiako Euskal etnografia saila sortu eta 1919ko azaroaren 5an Donostiako Kronikaria izendatu zuten. Bere idazlan ugarien artean Euskal-Erria aldizkarian Gipuzkoako erromatar arkeologia, biografiak, itsasoa eta arrantzaleei gaiak eta artxibategiei buruzko ikerketen artikuluak nabarmentzen dira, orokorrean, historia gaitzat zituzten atal guztiak ukitu zituelarik.
