Pedro Schwartz

Pedro Schwartz Girón (Madril, 1935eko urtarrilaren 30a) espainiar legelaria eta ekonomista da.

Pedro Schwartz
Irudi gehiago
Espainiako Diputatuen Kongresuko diputatua 1982ko azaroaren 10a - 1986ko apirilaren 23a Barrutia: Madril Hautetsia: 1982ko Espainiako hauteskunde orokorrak katedradun
Bizitza
Jaiotzako izen-deiturak	Pedro Schwartz Girón
Jaiotza	Madril, 1935eko urtarrilaren 30a (89 urte)
Herrialdea	Espainia
Familia
Aita	Juan Schwartz Díaz-Flores
Hezkuntza
Heziketa	London School of Economics Madrilgo Complutense Unibertsitatea
Doktorego ikaslea(k)	Jesús Huerta de Soto Rafael Anes
Hizkuntzak	gaztelania
Jarduerak
Jarduerak	politikaria, ekonomialaria, unibertsitateko irakaslea eta historialaria
Lantokia(k)	Madril
Enplegatzailea(k)	Madrilgo Complutense Unibertsitatea
Jasotako sariak	ikusi King James I Prize for Economics  (2003) King of Spain Prize in Economics  (2010) Honorary Officer of the Order of the British Empire
Kidetza	Zientzia Moral eta Politikoen Errege Akademia

Zuzenbide-ikasketak egin zituen Madrilen. 1996an doktoregoa lortu zuen eta 1969an Ekonomia Doktrinen Historia Katedra lortu zuen. 1982an Madrileko Club Liberaleko lehendakari hautatu zuten, eta Aliantza Popularra-Alderdi Demokrata Popularra (AP-PDP) eskuindar koalizioko diputatu. Berak sarrarazi zuen Club Liberala AP-PDP koalizioan. Espainian, Fulton Friedmanen ideien zabaltzaile izan zen. Liburu askoren egilea da: La nueva economía política de J. S. Mill (1968, J. S. Millen ekonomia politiko berria); El Banco de España, una historia económica (1973, Espainiako Bankua, historia ekonomikoa); La Banca Española en la Restauración (1975, Errestaurazioko espainiar bankuak); Empresa y Libertad (1981, Enpresa eta askatasuna); Encuentros con Karl Popper (1994 Karl Popperekin), eta abar. 1968an España Económica astekariaren sorreran parte hartu zuen, eta urte hartatik aurrera artikulu asko idatzi ditu egunkarietan: Cinco días, ABC, La Vanguardia, Diario 16, El País eta, batez ere, Cambio 16en. Halaber, Financial Timesen idazten du hilero Europako Erkidegoko ekonomia-arazoez. Ingalaterra eta Espainiaren arteko adiskidantza-loturak sendotzen egindako lanarengatik, Britainiar Inperioaren Ordenaren saria jaso zuen 1990ean. Complutense Madrilgo unibertsitatean katedradun izan da (1970-1992), baita Madrilgo Universidad Autónoman (1992-2003) ere. Gaur egun, eta 2003tik, Madrilgo San Pablo-CEU unibertsitateko katedraduna da. 2003an Real Academia de Ciencias Morales y Políticasean sartu zen, eta urte horretan bertan, Rey Jaime I saria irabazi zuen.