Paulo Tarsokoa

Paulo Tarsokoa[1] edo San Paulo (antzinako grezieraz: Παῦλος Paulos, c. 5[2] – c. 67[3]), jatorriz Saulo Tarsokoa (antzinako grezieraz: Σαῦλος, Saulos; hebreeraz: שאול התרסי‎, Šaʾul HaTarsi), Petrirekin batera, Aurreko Elizako buru nagusietakoa izan zen. Itun Berriaren arabera, Paulok ez zuen Jesus bera ezagutu, Hamabi Apostoluek bezala. Baina kristau-fedea bereganatu zuen bidean Jesus piztuaren irudia supituki ikustean (1 Korintoarrak 15:8-9), eta irudi horretan oinarritzen zuen bere ahalmena. Horregatik, "jentilen apostolua" deitu ohi zaio.

Paulo Tarsokoa
Irudi gehiago
apostolu 44 -
Bizitza
Jaiotzako izen-deiturak	שאול התרסי, Saulus Tarsensis
Jaiotza	Tarso, 5
Herrialdea	Antzinako Erroma
Bizilekua	Tarso Jerusalem Damasko Antiokia Oronteskoa Salamina Pafos Antiokia Pisidiakoa Konya Lystra (en) Derbe (en) Alexandria Troas (en) Filipos Tesalonika Veroia (en) Atenas Korinto Efeso Mileto Tiro Akre Zesarea Maritima Sidon Myra (en) Kaloi Limenes (en) Sirakusa Erroma
Heriotza	Erroma, 66 (60/61 urte)
Heriotza modua	heriotza zigorra: burugabetzea
Hezkuntza
Hizkuntzak	antzinako greziera hebreera koinéa latina
Irakaslea(k)	Gamaliel
Ikaslea(k)	ikusi Lidia Tiatirakoa
Jarduerak
Jarduerak	idazlea, teologoa, misiolaria, erlijiosoa, errabinoa, bidaiaria eta artisaua
Lan nabarmenak	ikusi Pauline epistles (en)
Influentziak	Gamaliel eta Jesus Nazaretekoa
Santutegia
Uztailaren 12, Otsailaren 10, Urtarrilaren 25 eta Azaroaren 18
Sinesmenak eta ideologia
Erlijioa	Farisearra kristautasuna

Pauloren historia Apostoluen Eginetan kontatzen da batez ere. Horrez gainera, Itun Berriko 14 gutunen ustezko egilea da. Gutunok ospe handia eskuratu zuten hasierako kristauen artean. Martzionek proposatutako lehendabiziko Itun Berriko kanonean toki garrantzitsua zuten, eta, azkenean, finkatutako kanonean ere sartu ziren. Itun Berriko lehen idatzitako testuak dira.