Paul Theroux

Paul Theroux
	; Irudi gehiago
	Ahotsa
Booker Prize judge (en)	;
Booker Prize judge (en)
Bizitza
Jaiotza	Medford (Massachusetts), 1941eko apirilaren 10a (82 urte)
Herrialdea	Ameriketako Estatu Batuak
Familia
Aita	Albert Eugene Theroux
Ama	Anne Dittami
Seme-alabak	ikusi Marcel Theroux (en) ; Louis Theroux;
Anai-arrebak	ikusi Peter Theroux (en) ; Alexander Theroux (en) ;
Hezkuntza
Heziketa	Massachusettsko Unibertsitatea Amhersten ; Medford High School (en)
Hizkuntzak	ingelesa
Jarduerak
Jarduerak	bidaia idazlea, eleberrigilea, literatura-kritikaria, katedraduna eta gidoilaria
	Parte-hartzailea World Economic Forum Annual Meeting 2004 (en) ;
Enplegatzailea(k)	Singapurreko Unibertsitate Nazionala
Jasotako sariak	ikusi James Tait Black Memorial Prize (1981) ; Patroiaren domina (2015) ; Eagle Scout (1955) ;
Influentziak	Graham Greene eta Henry James
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia; Peace Corps (en) ; Writers Guild of America, West (en)
Sinesmenak eta ideologia
Erlijioa	Erromatar Eliza Katolikoa

Paul Theroux (Medford, Massachusetts, Ameriketako Estatu Batuak, 1941eko apirilaren 10a) bidaiaria eta ingelesezko eleberrigilea da.

Bizitza

Ikasketak amaituta Italian eta Afrikan zehar bidaiatu zuen, eta Bake Indarren maisu gisa lan egin zuen Malawiko eskola batean, eta irakasle gisa Makerereko Unibertsitatean, Ugandan. Kampalan V. S. Naipaul ezagutu zuen, eta haren mundu-ikuspegi ezkor eta aldi berean irrigarriak arrasto handia utzi zuen Theroux gaztearengan.

1968an, bere lehen eleberria (Waldo) argitaratu ondoren, lanpostu bat lortu zuen Singapurko Unibertsitateko ingeles-sailean, eta hiru urtez izan zen han. Denboraldi horretan kontakizunak eta artikuluak argitaratu zituen, eta zenbait eleberri idatzi zituen, hala nola Fong eta indiarrak eta Neskak jolasean, garrantzitsuenak aipatzearren.

1971n Oihaneko maiteminduak Malawin bizi izandako urteetan oinarritua argitaratu eta gutxira bere emazte eta bi semeekin Dorseta joan zen, Ingalaterrara, eta han Saint Jack idatzi zuen. Gero Londresen jarri zen bizitzen, eta hamazazpi urtez geratu zen Britainia Handian. Denboraldi horretan fikziozko hamabi liburu idatzi zituen, zein baino zein arrakastatsuagoak.

Geroztiko urteak Britainia Handiaren eta Estatu Batuen artean eman ditu. Nire bizitza sekretua eleberri autobiografikoan eman zuen urte horien berri. 1970eko eta 1980ko hamarraldietako bere eleberri onenak Familiaren armategia (1976) eta Mosquitos kosta (1981) dira. Azkeneko hori arrakasta handiz eraman zen zinemara. Azken urteetako beste eleberri aipagarria Millroy aztia (1993) da. Idatzi zituen bidaia-liburuen artean Trenbideko bazar handia (1975) eta Patagonia Express zaharra (1979) dira aipagarrienak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q510320
Multimedia: Paul Theroux / Q510320

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.