Patxi Iturregi

Patxi Iturregi Escondrillas (Laudio, Araba, 1952ko otsailaren 28a - ) euskal idazlea da. Bere literatur ibilbidean ipuingintza da gehien jorratu duen generoa.

Patxi Iturregi

Bizitza
JaiotzaLaudio, 1952ko otsailaren 28a (72 urte)
Herrialdea Araba, Euskal Herria
Hezkuntza
HeziketaEuskal Herriko Unibertsitatea
Hizkuntzakeuskara
gaztelania
Jarduerak
Jarduerakidazlea eta irakaslea
Literaturaren Zubitegia: 448

Biografia

Patxi Iturregik itsas ikasketak egin zituen Portugaleteko Nautika Eskolan. Gero, zenbait urtez, munduko itsasoetan zehar nabigatzeari ekin zion, batez ere Mediterraneoko portuetatik Persiar Golkora zebiltzan petrolio-ontzi handietan. 80ko hamarkadako krisiaren ondorioz, ordea, lanbidez aldatu beharra suertatu zitzaion eta euskara-irakaskuntzan hasi zen, lehenik AEKn eta ondoren Laudioko Udal Euskaltegian, non irakasle eta zuzendari aritu den luzaro.[1]

Narrazio laburra da gehien landu duen generoa. Bere lehenengo kontakizuna, Tropikoan galtzeko gida, 1986an argitaratu zuen, Erein etxeak plazaratutako Isabel Lertxundi eta Jesus Mari Aldairen omenez literatur lehiaketa izeneko ipuin-bilduman. 1998an Donostia Hiria Saria irabazi zuen Hobe ez gogoratzea istorioarekin eta 1991n Tene Lehiaketa Hondarreko distira ahantzi hura izenekoarekin. Harrezkero haren lanek zenbait bilduma, antologia eta egunkaritan ikusi zuten argia, baita irratian ere. Haize kontra itsas giroko liburuaren argitalpenari esker lortu zuen irakurleen eta kritikaren onarpen zabala. Javier Rojo literatur kritikariaren aburuz, liburu horren merezimenduen artean, aipagarria da erabiltzen duen prosa argi, aberats, erritmoduna, baina kontatzen duenaren gainetik inolaz ere gailentzen ez dena.[2] Ondorengo lanetan, Behi eroak eta Dioramak izeneko ipuin-liburuetan, hain zuzen ere, giro urbanora egin zuen jauzi, errealitatearen alderdi ezkutuak eta absurduaren legeak bistaratzeko jolasak proposatuz. Ur biren artean ipuin bildumarekin (2019), ostera, hasierako itsas kontakizunetara bueltatu da.

Lanak

Narrazioa
  • Haize kontra (1996, Elkar)[3] .Gaztelerara itzulia (Con el viento en contra, Hiru, 1996)
  • Behi eroak (2003, Elkar)
  • Dioramak (2006,Elkar)[4]
  • Ur biren artean (2019, Elkar)[5].Gaztelerara itzulia (Impredecible marea, Ediciones El Gallo de Oro, 2020)
  • Estuarioa (2022, Ediciones El Gallo de Oro)

Itzulpenak
  • Con el viento en contra (1996, Hiru) Haize kontra ipuin liburuaren itzulpena, Idoia Santamariarekin batera egindakoa.[6][7]

Lan kolektiboak eta antologiak
  • Ipuin bakarrak (1994, Elkar). Hainbat egile.

Sariak
  • Donostia Hiria, 1989
  • Tene Mujika, 1991

Erreferentziak
  1. Alvaro Rabelli: Bizkaiko euskal idazleen ipuingintza modernoa, Labayru. 122. orrialdea.
  2. Kortazar, Jon. (2011). Egungo euskal ipuingintzaren historia. Euskal Herriko Unibertsitateko Argiltapen Zerbitzua, 213-218 or. ISBN 978-84-9860-558-7..
  3. (bideoa) eitb-ko Sautrela, Juan Luis Zabala eta Hasier Etxeberria. (Noiz kontsultatua: 2019-06-16).
  4. «Dioramak, 66 istorio laburrez osaturiko bilduma» Sustatu (Noiz kontsultatua: 2019-06-17).
  5. [|Ezkerra, Estibalitz]. «Gerra itsasotik» Gara (Noiz kontsultatua: 2019-06-17).
  6. «Nor da Nor» EIZIE (Noiz kontsultatua: 2019-06-17).
  7. Hiru argitaletxea. (Noiz kontsultatua: 2019-06-19).

Bibliografia
  • Kortazar,Jon Egungo euskal ipuingintzaren historia, Euskal Herriko Unibertsitateko Argitalpen Zerbitzua (2011) 213-218 orrialdeak

Ikus, gainera

Kanpo estekak
Euskal idazleak
Euskal idazleak
Euskal idazleak
 Artikulu hau euskal idazle bati buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.