Park Ji-hyun

Park Ji-hyun (Koreeraz] 박지현, Wonju, Hego Korea, 1996ko martxoaren 29a) Hego Koreako aktibista politiko bat da, eta Koreako Alderdi Demokratikoko (DPK) buruzagi gaztea izana da, bertako alderdi liberal/ezkertiar nagusikoa.[1][2] 2019an, Hego Korean sexu jazarpeneko eskandalu bat (Nth Room delakoa) argitara ateratzen lagundu zuen.[3] 2022ko martxoan. Park Time aldizkariko TIME100 Next lider berrien zerrendan eta baita 2022ko BBC 100 Emakume zerrendan, sexu-abusu digitalen aurkako borrokan eta politikan genero-berdintasunaren aldeko borrokan egindako lana aitortu diotelarik.[3][4][5][2]

Park Ji-hyun

Bizitza
JaiotzaWonju (en) Itzuli, 1996ko martxoaren 29a (27 urte)
Herrialdea Hego Korea
Hezkuntza
HeziketaHallym University (en) Itzuli gradu
Ewha Womans University (en) Itzuli
(2023 -
Jarduerak
Jarduerakpolitikaria, aktibista eta ikerketa kazetaria
Jasotako sariak
KidetzaQ97231430 Itzuli
Izengoitia(k)불
Sinesmenak eta ideologia
Alderdi politikoa Democratic Party of Korea (en) Itzuli
Twitter: paarkjihy_20 Instagram: parkjihyun_20_ Edit the value on Wikidata

Abusuen kontrako aktibismoa

2018an, Park kazetaritza ikasten ari zen Hallym Unibertsitatean, eta ikasle-kazetari gisa ari zen lanean. #MeToo protestak Seulen hasi zirenean, alor jakin batean berezitu zen protesta egiten; Hego Korean emakumeen eta nesken legez kanpoko Internet bidezko filmazioak arazo larria dira.[1][6] Protestetan inspiratuta, berak eta Won Eun-ji lankideak artikulu bat aurkeztu nahi izan zuten Koreako Albiste Agentziako ikasleen urteroko kazetaritza-lehiaketarako.[6][7] Hasieran, Hego Koreako "spycam-epidemia"ri buruz idazteko asmoa izan zuten, non gizonek isilpean filmatzen baitituzte emakumeak eta haurrak, haien baimenik gabe.[7]

2019ko uztailean, Park eta Won Nth Room sarean infiltratu ziren, Telegram sare sozialaren bidez zebilen talde batean.[6][8] Neska gazteen irudiak lortzeko abusuen sistema bat zen, non irudi legez-kanpokoen zabalkundeaz gain, delitu gehigarria egiten den xantaia eginez biktimei (12 urteko neskak ere tartean) haien irudiak eta bideoak legez kanpo salduko direlako mehatxuaren pean.[6][8][9]

Anonimoki zabaldutako ikerketen ondorioz, erakundeek erreakzionatu zuten eta 2020 amaieraraino, 3.700 lagun baino gehiago atxilotu dituzte kasuan.

Ibilbide politikoa

Park-ek Lee Jae-myung DPK-ko buruzagia ezagutu zuen Gyeonggi probintziako gobernadore zenean.[6][1] 2022. urtearen hasieran publikoki agertu zen Park, hauteskunde nazionaletan DPK-ri eta Lee presidentegaiari laguntzea erabaki zuenean: hori izan zen unean non sexu-jazarpeneko bere ikerketetako identitatea publikoki jakinarazi zuenekoa. Leek kanpainan agindu zuen Interneteko sexu-jazarpena eta laneko sexismoa ere borrokatuko zituela. Era berean, Park gaztea DPK-ko Emakumearen Gaietarako Batzordeko lehendakariorde izendatu zuten.[6][9]

Hauteskundeetan, 2022ko martxoaren 9an, Lee-k People Power Party kontserbadoreko Yoon Suk-yeol-en konrera gutxi galdu zuen, baina 20-30 urte arteko emakumeen %58k Leeren alde bozkatu zuten, uste delarik Park-en partehartzea inportantea izan zela horretan.[9]

Hala ere, Parkek 2020an bertan egin zion uko alderdiko karguari, alderdiak erreformak bultzatzeko gogo gutxi zuela salatuz.[10] Kritikak ere jasan zituen Parkek, dena dela, esperientziarik ezagatik, sexu-jazarpenarekin lotutako kontuak politika lokalaren premien gainetik jartzeagatik eta ezagupen hankasartzeengatik:[6][10][6] adierazpen batzuetan nahastu zituen 21. mendeko Hego Koreako bi drama larri, 2002ko Yeongpyeongeko gatazka eta 2010eko Cheonan armadako ontziaren hondaratzea.[10]

Erreferentziak
  1. Hangul:  Bang, Jae-hyeok. (March 13, 2022). «96년생 박지현, 민주당 공동비대위원장 파격 발탁…이준석 대항마 될까» ChosunBiz.
  2. Lee, Hae-rin. (December 9, 2022). «Anti-sex crime activist-turned-politician named in BBC 100 Women 2022 list» The Korea Times.
  3. «BBC 100 Women 2022: Who is on the list this year?» BBC News December 6, 2022.
  4. The Bloomberg 50. December 26, 2022.
  5. (Ingelesez) «Anti-sex crime activist-turned-politician named in BBC 100 Women 2022 list» koreatimes 2022-12-09.
  6. Cha, Sangmi. (May 29, 2022). «A 26-Year-Old Sex-Crime Fighter Dives Into South Korean Politics» Bloomberg.com.
  7. Oaten, James. (December 30, 2022). «This student reporter infiltrated a 'cyber hell' where women and girls were sexually exploited, and helped catch the ringleaders» ABC News.
  8. Seo, Jungmin; Choi, Seoyoung. (December 2020). «Introduction» Journal of Asian Sociology 49 (4): 371–398..
  9. Jung, Da-min. (March 14, 2022). «Ruling party seeks makeover after losing presidential election» The Korea Times Txantiloi:ProQuest.Page Modulu:Citation/CS1/styles.css has no content.
  10. Jung, Min-ho. (June 4, 2022). «How a young activist failed to reform the Democratic Party» The Korea Times.

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.