Parisko barrutiak

Parisko barrutiak (frantsesez Arrondissemets de Paris) Frantziako hiriburua den Parisen banaketa administratiboa dira. Orotara, 20 daude.

16.a 17.a 18.a 19.a 20.a 12.a 13.a 5.a 6.a 7.a 14.a 15.a 8.a 2.a 3.a 4.a 1.a 9.a 10.a 11.a

Udal barruti horiek (arrondissements municipaux) ez dira departamendu barrutiekin (arrondissements départementaux) nahasi behar, Frantziako 100 departamenduen banaketa administratiboak direnak. Parisko barrutiak departamenduen kantonamenduen parekoak baitira. Lyon eta Marseilla dira udal barrutitan banatuak dauden bakarrak, Parisekin batera.

Kasu honetan, hiri barrutiak dira (arrondissement municipaux). Ez dira departamenduetako barrutiekin nahastu behar, Frantziako 100 departamenduen banaketa administratiboak direnak. Barruti bakoitzaren zenbakia, Parisko posta kodeetan, azkeneko bi zenbakien bidez adierazten da.

Antzinako barrutiak 1795eko urriaren 11n sortu ziren, baina 12 bakarrik ziren. 1859ko ekainaren 16ko legearekin, Thiers harresi barneko aldiriak bereganatu ziren. Horrela, hedadura aldatuta, 20 barruti sortu ziren, zenbaki sistema berriarekin. Horrela, kiribilean izendatu ziren, oraindik indarrean dirauena.

Barrutiaren zenbakia posta kodeko azken bi zenbakitan agertzen da (75001tik 75020ra).

Deskribapena

20 barrutiak kiribilean daude, erloju orratzen zentzuan, Ietik hasita, hiriaren erdian, Sena ibaiaren eskuinaldean.

Parisko barrutia	Izena	Hedadura (km²)	Biztanleria (1999)	Biztanleria (2005eko zenbatespena)	Dentsitatea (2005) (bizt/km²)	Gehiengo biztanleria
1. barrutia	Louvre	1,826	16 888	—	9 249 (1999)	1861 baino lehenago
2. barrutia	Bourse	0,992	19 585	—	19 743 (1999)	1861 baino lehenago
3. barrutia	Temple	1,171	34 248	—	29 247 (1999)	1861 baino lehenago
4. barrutia	Hôtel-de-Ville	1,601	30 675	—	19 160 (1999)	1861 baino lehenago
5. barrutia	Panthéon	2,541	58 849	59 300	23 337	1911
6. barrutia	Luxembourg	2,154	44 919	45 800	21 263	1911
7. barrutia	Palais-Bourbon	4,088	56 985	55 700	13 625	1926
8. barrutia	Élysée	3,881	39 314	39 200	10 100	1891
9. barrutia	Opéra	2,179	55 838	58 800	26 985	1901
10. barrutia	Enclos-St-Laurent	2,892	89 612	89 600	30 982	1881
11. barrutia	Popincourt	3,666	149 102	150 500	41 053	1911
12. barrutia	Reuilly	16,324¹ 6,377²	136 591	139 100	21 813²	1962
13. barrutia	Gobelins	7,146	171 533	177 900	24 895	2005⁵
14. barrutia	Observatoire	5,621	132 844	134 200	23 875	1954
15. barrutia	Vaugirard	8,502	225 362	231 500	27 229	1962
16. barrutia	Passy	16,305³ 7,846⁴	161 773	146 900	18 723⁴	1962
17. barrutia	Batignolles-Monceau	5,669	160 860	160 300	28 277	1954
18. barrutia	Butte-Montmartre	6,005	184 586	188 500	31 391	1931
19. barrutia	Buttes-Chaumont	6,786	172 730	185 400	27 321	2005⁵
20. barrutia	Ménilmontant	5,984	182 952	188 600	31 517	1936

OHARRAK:

1. Bois de Vincennesekin

2. Bois de Vincennes gabe

3. Bois de Boulognekin

4. Bois de Boulogne gabe

5. 2005, zenbatespen ofizial berrienaren urtea; arrondissement edo barruti horietako biztanleriak gorantz segi dezake.

Arrondissement edo barruti bakoitza, administratiboki, lau quartier edo auzotan banatzen da. Honela, Parisek 80 quartier administratif edo auzo administratibo ditu. Horietako bakoitzean, polizia-etxe bat dago.

Historia

Jatorrizko edo antzinako hamabi barrutiak. Grisez adierazitako tokiak, Parisen neurria adierazten du 1860ko hedakuntzaren ondoren.

1860 baino lehenago

1795eko urriak 11n, Paris, 12 barrutitan banatua izan zen. Mendebaldetik ekialdera jarri zitzaien zenbakia, Sena ibaiaren eskuinaldean 1etik 9ra eta 10etik 12ra ezkerraldean.

Barruti bakoitza lau quartier edo auzotan banatzen zen, 1790ean ezarritako jatorrizko 48 auzoak zirenak.

1860 ondoren

1860ko urtarrilak 1ean, Napoleon III.ak, gertuko herrien lurraldeak eransten ditu, eta honela, hiriaren mugak handitzen ditu. Hamabi barrutiak berrantolatuak izan ziren lurralde berri horiek eransten diren aldi berean, eta horiekin, gaur egungo 20ak sortzen dira.

Erregistro historikoei erreferentzia egiten zaienean (non garrantzitsua den antzinako sistema eta sistema berriaren artean ezberdintzea), antzinako barrutiak ancienne hitzarekin adieraziak dira: "2ème ancienne" edo "8ème ancienne" adibidez.

Kanpo estekak

Datuak: Q679388
Multimedia: Arrondissements of Paris / Q679388

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.