Pantailak Euskaraz

Pantailak Euskaraz
Datuak
Mota	erakundea
Herrialdea	Euskal Herria
Historia
Sorrera	2021
Jasotako sariak	Argia Sariak (2022)
	webgune ofiziala;

Pantailak Euskaraz telebistan eta askotariko ikusizko plataformetan euskarazko eskaintza handitzearen aldeko Euskal Herriko mugimendu bat da. Euskal Autonomia Erkidegoa du ekintza eremu batez ere. 2021eko ekainean sortu zen, euskarak pantailetan bizi duen egoerarekin kezkaturik.[1] Alex Aginagalde eta Izaskun Rekalde agertu dira, besteak beste, mugimenduaren bultzagile eta ordezkari lanetan.[1][2]

Mugimendua beste talde txikiagoek osatu dute, hauexek: Disney Plus Euskaraz, Netflix Euskaraz, Game Erauntsia, Zinemak Euskaraz, Tinko euskara elkartea eta Bieuse Bikoiztaile Euskaldunen Elkartea.[1] 2021eko abenduan Euskarazko Ikus-entzunezkoen Aldeko Manifestua plazaratu zuten, Durangon (Bizkaia), eta 40 eragileren babesa jaso zuten. 2022ko otsailean, Argia kazetaren Kanpaina Onenaren Saria jaso zuten[3] eta, 2022ko ekainaren 11n, elkarteari forma juridikoa emateko asmoa agertu zuten.[1]

«	Egoera oso larria da. Horren erakusle ondorengo datua: CIESen arabera, 1990. urtean Araba, Bizkaia eta Gipuzkoako haurren %70ek ETB1eko marrazki bizidunak ikusten zituzten; gaur egun, ETB3k %0,3ko pantaila kuota du. Zinemetan bezala, streaming plataforma erraldoietan hutsaren pare tratatzen gaituzte eta txarrena da, egoerak ez duela inor ere harritzen.	»
—Pantailak Euskarazen aurkezpen agiria[3]

Ikus-entzunezkoen arloan, solaskide izatea lortu dute, EITBko eta streaming plataformetako ordezkariekin bilduz, produktuen euskarazko eskaintza zabaltzeari begira. Kritiko agertu dira Espainiako Ikus-entzunezkoen Lege Orokorrarekin.[1] Besteak beste, kezka adierazi dute fikzio produktuen eskaintzak telebistan duen presentzia urriarekin. Erakunde arteko harremanetan aritu ez ezik, kale mobilizaziorik egin izan dute, hala nola 2022ko Donostiako Zinemaldiaren lehen egunean, Kursaal aurrean elkarretaratzea eginez.[4] Horren harira, 2023an, Elkarteko Alex Aginagaldek adierazi zuen 2023ko Zinemaldian hobekuntza nabarmenak izan zirela euskararen presentzian; izan ere, Ruth Perez de Anucita Zinemaldiko komunikazio arduradunaren arabera, Sail Ofizialeko film guztiek euskarazko azpidatziak izan zituzten, eta Zinemaldiko filmen herena euskaraz izan zen, euskara plan bati esker.[5]

Ikus, gainera

Erreferentziak

Urkizu, Urtzi. «Bide luzea dute egiteko» Berria (Noiz kontsultatua: 2022-09-17).
Urkizu, Urtzi. «Pantailak Euskaraz taldeak «larrialdi egoeraz» ohartarazi du Eusko Legebiltzarrean» Berria (Noiz kontsultatua: 2022-09-20).
«Kanpaina onenaren Argia Saria: Pantailak Euskaraz» Argia (Noiz kontsultatua: 2022-09-17).
Berria.eus. «Klika, irailaren 16a: Pantailak Euskaraz | berria TB ataleko azken bideoak» www.berria.eus (Noiz kontsultatua: 2022-09-19).
SL, TAI GABE DIGITALA. (2023-09-25). «Euskara, putzu sakonetik pantaila handira: Zinemaldiko filmen herena, euskaraz» naiz: (Noiz kontsultatua: 2023-09-30).

Kanpo estekak

Pantailak Euskaraz mugimenduaren webgunea

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[:0-1] Urkizu, Urtzi. «Bide luzea dute egiteko» Berria (Noiz kontsultatua: 2022-09-17).

[2] Urkizu, Urtzi. «Pantailak Euskaraz taldeak «larrialdi egoeraz» ohartarazi du Eusko Legebiltzarrean» Berria (Noiz kontsultatua: 2022-09-20).

[Izenik_gabekoa-1ž7mi-1-3] «Kanpaina onenaren Argia Saria: Pantailak Euskaraz» Argia (Noiz kontsultatua: 2022-09-17).

[4] Berria.eus. «Klika, irailaren 16a: Pantailak Euskaraz | berria TB ataleko azken bideoak» www.berria.eus (Noiz kontsultatua: 2022-09-19).

[5] SL, TAI GABE DIGITALA. (2023-09-25). «Euskara, putzu sakonetik pantaila handira: Zinemaldiko filmen herena, euskaraz» naiz: (Noiz kontsultatua: 2023-09-30).