Panoramix
Panoramix, Asterixen abenturetan agertzen den fikziozko pertsonaia bat da. Herrixkako druida edo intxixua da. Ospetsua, berak bakarrik egiten dakien neurrigabeko indarra ematen duen edabe magikoagatik. Herrixkako aholkularia ere bada, eta, batzuetan, irakasle bezala ere aritzen da, 2003an, Frantzian, jatorrizko izenez Astérix et la Rentrée gauloise istorio labur bildumako istoriotako batean agertzen den bezala.
| Panoramix | |
|---|---|
| Asterix | |
| Argitalpena | |
| Lehen agerpena | Asterix galiarra (1959) |
| Sortzailea | René Goscinny Albert Uderzo |
| Ageri den obrak | ikusi
|
| Interpretatzailea | ikusi
|
| Datu biografikoak | |
| Herrialdea | Galia |
| Sexua | Gizonezkoa |
| Espeziea | Gizaki |
| Jarduera | Druida |
| Etsaiak | Erromatarrak |
Edabe magikoa
Neurrigabeko indarra ematen duen edabe magikoa, druida baten ahotik beste baten belarrira baino ez da pasatzen. Bere funtsezko osagaien artean, sekula falta ez dena, mihura da. Eta, Asterixen Odisea abenturan, petrolioa ere agertzen da, osagaietako bat bezala, baina, azkenean, erremolatxa zukuarekin probatzen du eta eragin berdina eta zapore hobea duela ikusten du. Otarraina eta marrubiak ere botatzen dizkio, baina hauek, zapore hobea emateko baino ez dira. Ohi, edabe magiko hau, soilik herrixkako biztanleek edaten dute (Obelixek izan ezik, txikitan edabe magikoz beteriko pertzean erori eta beregan, edabearen eragina iraunkorra delako) baina herrixkatik kanpoko jendeak ere hartu izan du, erromatarrengandik ihesi zihoan esklabo talde batek, adibidez, baita erromatarrek ere, Kaligula Minusek, adibidez, Asterix galiarra abenturan. Bere errezetarik ezagunena, hau duen arren, baditu beste hainbat ere. Edo efektu ezberdinak ere izan ditzake. Astérix et Obélix contre César filmean ikus daitekeen bezala, adarbakar esnea gehituz gero, edabe magiko honek, jendea bikoiztu egin dezake.
