Palmer Lurraldea

Palmer Lurraldea ohiko ipar muga bezala Agassiz lurmuturra eta Jeremy lurmuturra lotzen dituen lerroa duen penintsula antartikoaren zatiak jasotzen duen izena da. Palmer Lurraldearen definizio hau 1964an adostu zuten Erresuma Batuko Antarctic Place-names Committee eta AEBetako Advisory Committee on Antarctic Namesen artean, non penintsula antartikoa iparraldeko Graham Lurraldea eta hegoaldeko Palmer Lurraldearen artean banatua izan zen. Urte horretara arte, bi herrialdeek bakoitzak euren izena (Graham eta Palmer) penintsula osoari ematen zioten.

Palmer Lurraldea
Datu orokorrak
Mota	eskualde geografiko
Eponimoa	Nathaniel Palmer (en)
Geografia
Koordenatuak	71°30′S 65°00′W
Condominium	Itun Antartikoko eskualde
Leku geografikoa	Penintsula antartikoa

2009 arte Antartikan Ikertzeko Batzorde Zientifikoak (SCAR) Palmer Lurraldearen eta penintsula antartikoaren hegoaldeko muga bezala Weddell itsasoan dageoen Bowman penintsulako Adams lurmuturra eta Eklund uharteetatik hegoaldera, 73º 24' hego latitudean eta 72º 00' mendebal longitudean dagoen English kostaldeko puntu baten arteko lerroa bezala definitzen du. Penintsularen azalera hobeto islatzeko eta izenik gabeko eremu bat hartzeko, Palmer Lurraldea eta penintsula antartikoa 73º hego latitudean eta 80º mendebal longitudean dagoen Rydberg penintsula 76º 34' hego latitudean eta 75º 00' mendebal longitudean dagoen Evans izotz korrontearen lurrerako konexio lerroarekin lotzen duen lerrorarte hedatua izan zen, Ellsworth Lurraldearekin muga egiten duena.

Bellingshausen itsasoan, Palmer lurraldeko kostaldeak honako hauek dira iparraldetik hegoaldera: Rymill kostaldea eta English kostaldea. Weddell itsasoan, berriz, iparraldetik hegoaldera beste honako hauek daude: Wilkins kostaldea, Black kostaldea, Lassiter kostaldea, Orville kostaldea eta Zumberge kostaldea