Palembang

Palembang (indonesieraz: Kota Palembang; jawiz: ڤاليمباڠ‎) Indonesiako hiria da, Hego Sumatra probintziako hiriburua. 2010ean 1.455.284 biztanle zituen[1]. Sumatra uharteko bigarren hiririk handiena da, Medanen ondotik, eta Indonesia osoko zazpigarrena. Ekialdeko Venezia deitzen zaio.

Palembang
city of Indonesia (en) Itzuli
Ampera zubia Irudi gehiago
Fitxategi:Ez
Administrazioa
Herrialdea Indonesia
ProbintziaHego Sumatra
AlkateaHarnojoyo (en) Itzuli
Izen ofizialaPalembang
Posta kodea0711
Geografia
Koordenatuak2°59′00″S 104°45′52″E
Map
Azalera358,55 km²
Altuera8
MugakideakBanyuasin (en) Itzuli, Ogan Ilir (en) Itzuli eta Muara Enim (en) Itzuli
Demografia
Biztanleria1.535.952 (2010)
Dentsitatea4.106,49 bizt/km²
Informazio gehigarria
Sorrera683ko ekainaren 16a
Ordu eremuaUTC+07:00
Hiri senidetuakManchester eta Haga
http://www.palembang.go.id/

Geografia

Palembang hegoaldeko Sumatrako ordokian dago, Musi ibaiak zeharkatua. Ibaitik iparraldera Seberang Ilir izeneko aldea dago, eta bertan daude hiriko gune ekonomiko eta kultural nagusiak; ibaitik hegoaldera, berriz, Ulu Seberang dago, eta bertan dago gune politikoa. Ikusgarria da Musi ibaiaren gaineko Ampera zubia, hiriko ikonoa.

Klima

Palembangek klima ekuatoriala du (Af) Köppen klima sailkapenaren arabera.

    Datu klimatikoak (Palembang)    
 Hila   Urt   Ots   Mar   Api   Mai   Eka   Uzt   Abu   Ira   Urr   Aza   Abe   Urtekoa 
Batez besteko tenperatura maximoa (°C) 30.8 31.2 31.5 32.1 32.4 31.9 31.8 32.1 32.5 32.6 31.9 31.1 31.8
Batez besteko tenperatura (ºC) 26.8 27.1 27.2 27.7 28.0 27.4 27.0 27.2 27.5 27.7 27.4 27.0 27.3
Batez besteko tenperatura minimoa (°C) 22.9 23.0 23.0 23.4 23.6 22.9 22.3 22.4 22.5 22.9 23.0 23.0 22.9
Pilatutako prezipitazioa (mm) 277 262 329 263 213 122 104 107 120 186 274 366 2623
Eguzki orduak 169 118 130 150 174 127 130 149 118 160 132 120 1677
Iturria (1): Climate-Data.org[2]
Iturria (2): Deutscher Wetterdienst[3][4]

Historia

Idatziz, VII. mendeko agirietan aipatu zuten lehenengoz. Indonesiako hiririk zaharrena da, eta historia aberatsa dauka, luzaro Srivijaya itsas erresumako hiriburua izan zenez: antzinako Sumatra irla (gaurko Indonesia) berena zen, eta Asiako hego-ekialdean eragin handia izan zuten, Indonesia eta Malaysia inguruetan batez ere. Budismoa zen beren erlijioa.

1825. urtean, herbeheretarrek menpean hartu zuten lurraldea, eta arkitektura-ondare aberatsa utzi zuten. Bigarren Mundu Gerran Palembangeko itsas gudua gertatu zen, 1942. urteko otsailaren 13tik 15era, Japoniak hiriko petrolio-findegiak bereganatu nahi izan baitzituen. 1950ean Indonesiako Errepublikaren barnean sartu zen.

Banaketa administratiboa

Palembang 16 barruti eta 107 azpibarrutitan banatuta dago. Barrutiak hauek dira:

  • Ilir Timur I
  • Ilir Timur II
  • Ilir Barat I
  • Ilir Barat II
  • Ulu Seberang I
  • Ulu Seberang II
  • Sukarame
  • Sako
  • Bukit Kecil
  • Kemuning
  • Kertapati
  • Plaju
  • Gandus
  • Kalidoni
  • Alang-Alang Lebar
  • Sematang Borang

Gizartea
Hiriaren ikuspegia

Malaysiera da Palembangeko hizkuntza nagusia, musi dialektoa bereziki. Erlijio ugari batzen dira hirian: islama da nagusia, baina kristauak, budistak, hinduistak eta konfuzianistak ere daude.

Ekonomia

Ehungintza-industria eta petrolio-finketa dira hiriko gaur egungo ekonomiaren gune nagusiak. Musi ibaiaren bokalean portua dago.

Garraioak

Garraio publiko nagusia minibus-sareak eratzen du. Ibaia zeharkatzeko, ontziak erabiltzen dira, bai betikoak (Ketek), bai txalupa azkarrak ere. Nazioarteko aireportua dago. Hiru portu nagusi daude hirian; Boom Barú da garrantzitsuena.

Hezkuntza eta kultura

Hamar unibertsitatetik gora daude Palembangen; bi aipatzearren: Sriwijayako Unibertsitatea eta Sriwijaya Palembang Politeknikoa. Komunikabideetan ere nabari da hiriaren garrantzia: telebista nazional guztiek dituzte egoitzak Palembangen, eta hainbat irrati.

Erreferentziak
  2. Climate: Palembang, en.climate-data.org
  3. ftp://ftp-cdc.dwd.de/pub/CDC/observations_global/CLIMAT/multi_annual/sunshine_duration/1961_1990.txt
  4. ftp://ftp-cdc.dwd.de/pub/CDC/help/stations_list_CLIMAT_data.txt

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.