Palaeophragmodictya

Palaeophragmodictya Ediacararra garaian bizi izan zen belakien genero bat da[1]. Duela 635 eta 542 milioi urte artean bizi izan zen[2].

Palaeophragmodictya
Sailkapen zientifikoa
ErreinuaAnimalia
FilumaPorifera
KlaseaHexactinellida
OrdenaReticulosa
Generoa Palaeophragmodictya
[[|]]
Palaeophragmodictya spinosa.

Aurkikuntza

Bi espezie aurkitu dira, lehenengoa 1996 urtean Australiako Ediacara aztarnategian. Palaeophragmodictya reticulata izena eman zioten (Gehling & Rigby)[3]. 2007 urtean bigarren espezie bat aurkitu zuten Errusian, Itsaso Zuriaren ertzean, Palaeophragmodictya spinosa (Serezhnikova)[4].

Deskribapena

Kupula itxurako animalia bat zen, 7-68 mm-ko diametroa zuena. Saku itxurako egitura erradialez osaturik zegoen eta ale batzuetan kupularen erditik zurtoin bat ateratzen da. Poltsaren ertzetik izpi itxurako harizpiak ateratzen dira[4]. Fosil batzuetan agertzen diren egiturek espikula itxura dute[1].

Bizimodua

10 zentimetrotako altuera hartu zezakeenez uretan suspentsioan zeuden partikuletaz elikatzen zen[1].

Taxonomia

Hasieratik belakien taldean sartu izan da, Hexactinellida klasean, Kanbriarraurreko deskribaturiko lehen belakia izanik. Hala ere animalia zelomatuen ezaugarriak ikusi izan zaizkio, simetria bilaterala[5] adibidez, eta horregatik zelentereoa izan daitekeela proposatu izan da.

Erreferentziak
  1. Gehling, J. G.; Rigby, J. K.. (1996). Long expected sponges from the Neoproterozoic Ediacara fauna of South Australia. Journal of Paleontology, 70 (2):, 185–195 or. ISBN 0022-3360..
  2. «Fossilworks: Palaeophragmodictya» fossilworks.org (Noiz kontsultatua: 2019-03-31).
  3. (Ingelesez) Reitner, Joachim; Quéric, Nadia-Valérie; Arp, Gernot. (2011-01-18). Advances in Stromatolite Geobiology. Springer ISBN 9783642104152. (Noiz kontsultatua: 2019-03-31).
  4. (Ingelesez) Serezhnikova, E. A.. (2007-07-01). «Palaeophragmodictya spinosa sp. nov., a bilateral benthic organism from the Vendian of the Southeastern White Sea Region» Paleontological Journal 41 (4): 360–369.  doi:10.1134/S0031030107040028. ISSN 1555-6174. (Noiz kontsultatua: 2019-03-31).
  5. (Ingelesez) Hu, Jie; Chen, Zhe; Zhou, Chuanming; Parsley, Ronald L.; Xiao, Shuhai; Yuan, Xunlai. (2002-04-01). «Towering sponges in an Early Cambrian Lagerstätte: Disparity between nonbilaterian and bilaterian epifaunal tierers at the Neoproterozoic-Cambrian transition» Geology 30 (4): 363–366.  doi:10.1130/0091-7613(2002)0302.0.CO;2. ISSN 0091-7613. (Noiz kontsultatua: 2019-03-31).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.