Pala atomiko

Pala atomikoa palaz jokatzeko Faustino Santiago Urkidi Lamikiz bilbotarrak asmatutako instrumentua izan zen.

Palak egiteko zur onena pago zura da, aski gogorra baita, baina ez hauskorra. Antzina, palari puska bat higatu eta beste zur gogorrago baten (gerezi zura, kasurako) puska eransteko asmakuntza izan zen, pala atomikoa deiturikoa, hain zuzen, baina baztertu zen ideia pilota kontrolpetik erraz ateratzen zelako, arrisku handiak sortuz.

Profesionaletan lehenengoz Euskalduna pilotalekuan erabili zuten 1947an, Gallartako Txikitoa eta Madariagak Arrigorriaga II eta Ermuaren aurka jokatu zuten partidan. Espainiako Pilota Federazioak 1957an debekatu zuen, 1956ko martxoan Madrilgo Recoletos pilotalekuan Luis Zenotz Alsua, Alsua II.a, hil eta gero pilotakada bat buruan jaso ondoren.[1][2]

Erreferentziak
  1. Bilbaopedia
  2. «Un pelotari muere en plena Recoletos» ABC 1956-03-28.

Kanpo estekak
Kirola Artikulu hau Kirolari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.