Paisaiaren historia

Paisaiaren historia paisaiari dagokion ikerketa eremu bat da. Giza taldeek ingurunearen itxura fisikoa zein modutan eraldatu duten ikertzen du, hala antzina nola gaur egun egiten diren ekintzak hain zuzen ere. Beste diziplina batzutako datuak erabiltzen ditu eraldaketa hori aztertzeko; arkeologia, arkitektura, ekologia, aire argazkiak, tokiko historia eta geografia historikoa.

Kontzeptuaren sorrera

W. G. Hoskinsek 1955. urtean argitaraturiko The Making of the English Landscape ("Ingalaterrako paisaiaren moldaketa") liburuarekin egin zen ezagun paisaiaren historiaren kontzeptua. Gaur egun Society for Landscape Studies elkarteak hilabetero argitaratzen du Landscape History aldizkaria[1].

Paisaiaren eraldaketaren helburua

Gizakiak bere onurarako eraldatu izan du inguruan zuen paisaia. Esate baterako basoak moztu izan dira lurrak nekazaritzarako edo abereen hazkuntzarako erabili ahal izateko; monokultiboak ezarri dira, hala nekazaritzan nola basogintzan ustiatzeko; eremu lehorretan ureztatze sistemak garatu dira nekazaritza lur eremuak handitzeko...

Erreferentziak
  1. (Ingelesez) «The Society for Landscape Studies - Promoting the study of the landscape» www.landscapestudies.com 2020-01-06 (Noiz kontsultatua: 2022-05-27).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.