Pablo Palazuelo

Pablo Palazuelo (Madril, 1916ko urriaren 6a - Galapagar, 2007ko urriaren 3a) espainiar margolari, eskultore eta grabatzailea izan zen. Abstrakzio geometrikoaren ordezkari nagusietako bat. Arkitektura-ikasketak egin zituen Ingalaterran. 1940ko hamarraldian higikunde abstrakzionistaren barruan margotzen hasi zen, Paul Kleeri omenaldia (1948) obrak erakusten duen bezala. 1940. urtearen bukaeran lehenengo marrazki konstruktibista garbiak egin zituen. 1949an diru-laguntza lortu zuen Parisen, eta han geratu zen 1969 arte. Haren garaiko higikunde "informalista" ez bezala, Palazueloren 1950eko hamarraldiko obra abstrakzio geometrikoaren barruan sartzen da: kolore garbiko plano irregularrak espazioan jarrita, bata bestearen gainean edo ondoan, lerro zuzenez eta makurrez zeharkatuak. Haren pinturak erritmo naturalagoetara jo zuen pixkana-pixkana. Hurrengo hamarraldiko bere obrak ere soiltasun eta garbitasun horri eutsi zion, Monroy (1974) sailean edo Bachelard-i omenaldia (1977) obretan ikus daitekeen bezala. Azkeneko urteetan, baina, eskulturek eta grabatuek garrantzi handia hartu zuten bere obran.

Pablo Palazuelo
Bizitza
Jaiotza	Madril, 1915eko urriaren 8a
Herrialdea	Espainia
Heriotza	Galapagar, 2007ko urriaren 3a (90 urte) (91 urte)
Familia
Anai-arrebak	ikusi Q108350325
Hezkuntza
Hizkuntzak	gaztelania
Jarduerak
Jarduerak	margolaria, eskultorea, ilustratzailea, arte-historialaria eta grabatzailea
Jasotako sariak	ikusi Kandinsky Saria  (1952) Tomás Francisco Prieto Prize  (1994) Velázquez Award for Plastic Arts  (2004) Espainiako Arte Plastikoen Sari Nazionala  (1999)
Kidetza	San Fernandoko Arte Ederren Errege Akademia
Mugimendua	Minimalismoa

Proyecto para un monumento IV B, Pablo Palazueloren eskultura