PRISM

PRISM (ingelesezko Planning Tool for Resource Integration, Synchronization, and Management izendapenaren laburdura) gutxienez AEBetako bederatzi internet konpainia handien komunikazio datu guztiak biltzeko NSA edo AEBetako Segurtasun Agentzia Nazionalaren ezkutuko zaintza elektroniko programa baten kode-izena da. 2007an martxan jarri zen, eta 2013an sekretupeko programa hau filtrazio baten ondorioz jendaurrean ezagutzera eman zen.

PRISM programaren logoa

2013an Edward Snowdenek filtratutakoaren arabera, NSAk PRISM programa erabili AEBetako telefono konpainia handien eta Interneteko bederatzi atari handien —Google, Facebook, eta Youtube, tartean— erabiltzaileen datuak eta jarduerak eskuratzeko. NSAren ustetan terrorismoarekin edo espioitzarekin zerikusia izan lezaketen erabiltzaile atzerritarrak lirateke zelatatutakoak. NSAk Atzerriko Inteligentziaren Zaintzarako Auzitegi sekretuaren agindu batekin lortuko luke enpresa horiei zelatarako legezko eskakizun bat egitea. Enpresa horiek halako eskaerarik jaso izana ukatu eginzuten.[1]

PRISMen bitartez honako konpainien erabiltzaileen pribatasuna urratuz beren datuak bereganatu omen ziren: Microsoft (Hotmail), Google, Yahoo, PalTalk, Youtube, Skype, AOL eta Apple[2].

Europan ere auziak eztabaida sortu zuen, milioika europar NSAren zelatapean egon zitezkeelako, eta Erresuma Batua, Herbehereak eta Belgika ere Prism programarekin lotu dituztelako. Filtratutakoaren arabera, NSAk gehien zelatatu duen Europako herrialdea Alemania izan zen[1].

Erreferentziak
  1. AEBak espioitza datuen filtratzailea auzibidean paratzea aztertzen ari dira. 2013ko ekainaren 12a. Berria.eus
  2. Google, Apple, Microsoft eta abarren zerbitzarietako datuak, zuzenean daude konektatuak AEBetako espioitza polizialera. 2013ko ekainaren 7a. Sustatu.eus

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.