Pêr-Jakez Heliaz

Pêr-Jakez Heliaz, Pêr-Jakez Heliaz edo frantsesez Pierre Hélis (1914ko otsailaren 17a, Pouldreuzig, Bretainia – 1995eko abuztuaren 13a, Kemper, Bretainia) bretoi idazle, olerkari, antzerkigile eta kazetari bat izan zen. Bretainieraz nahiz frantsesez idatzi zuen. Bretainieraz mintzatzen zen baserritar familia batean jaio eta hezi zen. Frantsesa eskolan ikasi zuen, Kemper eta Roazhonen ikasten segituz. 1946-1975 artean Kemperreko Eskola Normalean letra klasikoak irakatsi zituen.

Pêr-Jakez Heliaz
Irudi gehiago
Bizitza
Jaiotzako izen-deiturak	Pierre-Jacques Hélias
Jaiotza	Pouldreuzic, 1914ko otsailaren 17a
Herrialdea	Frantzia
Lehen hizkuntza	frantsesa
Heriotza	Quimper, 1995eko abuztuaren 13a (81 urte)
Hezkuntza
Heziketa	Rennesko Unibertsitatea
Hizkuntzak	frantsesa bretainiera
Jarduerak
Jarduerak	idazlea, poeta, kazetaria eta irakaslea
Lan nabarmenak	ikusi Q7891907
Jasotako sariak	ikusi Prix Breizh  (1964) Order of the Ermine
Kidetza	Ar Falz (en) Ligue de l'enseignement (en)
Mugimendua	proletarian literature (en)
Izengoitia(k)	Pierre-Jakez Hélias
Sinesmenak eta ideologia
Erlijioa	Erromatar Eliza Katolikoa

1946ko abenduaren 21ean berak eta Pierre Tréposk bretoierazko irratia aireratzen hasi ziren, iragarkiak eta antzezlanak aurkeztuz. 1948an Cornouaille Jaialdiaren bultzatzaileetako bat izan zen baita denboraldi batez bertako aholkularia ere. 1950ean Brud aldizkaria sortu zuen. Bretainiar nazionalismoko joera pragmatikoenekin lerrokatu zen, Ar Falz eta Emgleo Breiz taldeetako kidea izateaz gain, Parisko La Bretagne aldizkarian kronikak idatzi eta Ouest-France aldizkarian bere idazlanetako zatiak argitaratu zituen. 1971ean Breizh o veva (Bretainia bizirik) bretainierazko lehenbiziko telebista saioan parte hartu zuen.

1980an Claude Chabrolek Le cheval d'orgueil (Harrotasun zaldia) filma zuzendu zuen, bere izenburu bereko Le Cheval d'orgueil liburuaren zinemarako egokitzapena.