Ozeano Bareko Nazioen Errugbi Kopa

1982an Ozeano Bareko Hiru Nazioak (ingelesez: Pacific Tri-Nations) abiatu zuten Tonga, Fiji eta Samoak, izan ere Zeelanda Berria eta Australiaren ondoren Ozeaniako errugbi talde indartsuenak baitziren.

Fiji	Samoa	Tonga

2006an Ozeano Bareko Nazioen Errugbi Kopa eratu zen Ozeaniako bigarren mailako selekzioez gain Japoniako selekzioa eta Australiako eta Zeelanda Berriko bigarren taldeek hartu zuten parte. 2009an bi handiek utzi egin zuten txapelketa eta 2013an Ipar Amerikako bi talde sartu ziren txapelketan, Estatu Batuak eta Kanada. Honela beraz honako sei talde hauek osatu zuten txapelketa:

• Estatu Batuak
• Fiji
• Japonia
• Kanada
• Samoa
• Tonga

Fijiko selekzioaren haka.

2016tik aurrera ordea Ipar Ameriketako eta Japoniako selekzioak atera eta Ozeaniako hiruren arteko txapelketa bihurtu da berriz ere. 2019an Munduko Txapelketaren atarian jokatu zenez eta hura prestatzeko berriz ere zerrendako sei selekzioek hartu zuten parte.

2018tik aurrera berriz izan dira talde gonbidatuak lehian. 2018an Georgiak hartu zuen parte, 2019an Japoniak eta Estatu Batuek eta 2022an Australiako bigarren taldeak.

Hasiera batean Fijiko selekzioa nagusitu bazen ere 1987tik aurrena Mendebaldeko Samoa gailendu zitzaien gainerako biei. 2016tik aurrera formatua aldatu zenean Samoak indartsu jarraitu zuen baina azken urteetan Fiji izan da garaipenak lortu dituena. Hiruen artean Tonga da ahulena, hiru garaipen baino ez ditu.

Urtea	Txapelduna	Bigarrena	Hirugarrena
2006	Junior All Blacks	Samoa	Fiji
2007	Junior All Blacks	Australia B	Samoa
2008	Māori All Blacks	Australia B	Samoa
2009	Junior All Blacks	Fiji	Samoa
2010	Samoa	Fiji	Japonia
2011	Japonia	Tonga	Samoa
2012	Samoa	Fiji	Tonga
2013	Fiji	Kanada	Tonga
2014¹	Samoa Japonia	Fiji Estatu Batuak	Tonga Kanada
2015	Fiji	Samoa	Tonga
2016²	Fiji	Samoa	Tonga
2017²	Fiji	Tonga	Samoa
2018	Fiji	Tonga	Georgia
2019	Japonia	Fiji	Estatu Batuak
2020- 2021	ez zen jokatu³
2022	Samoa	Australia A	Fiji
2023	Fiji	Samoa	Japonia

• ¹ 2014an hiru taldetako bi multzo osatu ziren, horregatik daude bi txapeldun.
• ² 2016 eta 2017an Ozeaniako hiru selekzioen baino ez dute parte hartu.
• ³ 2020 eta 2021 ekitaldiak ez ziren jokatu COVID-19 pandemiaren eraginez.