Otto Jägersberg

Otto Jägersberg
Bizitza
Jaiotza	Hiltrup, 1942ko maiatzaren 19a (81 urte)
Herrialdea	Alemania
Hezkuntza
Hizkuntzak	alemana
Jarduerak
Jarduerak	gidoilaria, film-zuzendaria eta idazlea
Lantokia(k)	Baden-Baden
Kidetza	PEN Centre Germany (en)

Otto Jägersberg (Hiltrup, Westfalia, 1942ko maiatzaren 19a) alemaniar idazlea da.

Bere literatura lanetan, haurren liburuak Der grosse Schrecken Elfriede (1969, Elfriede beldurgarria), kontakizunak Der Waldläufer Jürgen (1969, Jürgen, basoko ibiltaria) irratirako gidoiak, nobelak eta poema-liburuak Wein, Liebe, Vaterland (1985, Ardoa, Amodioa, Aberria) aurki daitezke. 1964an argitaratu zuen lehen liburua, Weihrauch und Pumpernickel (Intsentsua eta ogi beltza), eta bertan Westfalian igarotako haurtzaroko oroimen autografikoak kontatzen ditu, nobela pikareskoen antzera. Eguneroko bizitza da Nette Leute (1969, Jende atsegina) nobelaren gaia ere, hiztegi- eta entziklopedia-saltzaile baten egun arrunt bateko gertakizunak kontatzen dituena. Irrati eta telebistako gidoietarako, bere garaiko arazoak erabili izan ditu Jägersbergek beti, esate baterako, Der industrialisierte Romantiker (1876, Erromantiko industrializatua) filmean, ingurumenaren kutsadura salatzen du. 1979an Die Pawlaks (Pawlaktarrak) telesaila idatzi zuen, Wolfgang Studek zuzendu zuena; XIX. mendearen bigarren erdian Ruhrreko ibarrera lanera joandako langile masurren bizimodua kontatu zuen bertan. Beste literatura lan aipagarri batzuk: Der letzte Biss (1979, Azken ahamena) eta Der Herr der Regeln (1988, Arauen jabea).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q2039424

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.