Oskar Lasa

Oskar Lasa
	;
Bizitza
Jaiotza	Etxarri Aranatz, 1972ko urtarrilaren 28a (52 urte)
Herrialdea	Nafarroa Garaia, Euskal Herria
Hezkuntza
Hizkuntzak	gaztelania
Jarduerak
Jarduerak	pilotaria eta esku huskako pilotaria
Pilota

Oskar Lasa Elizalde, pilota arloan Lasa III.a deituraz ezaguna (Etxarri Aranatz, Nafarroa Garaia, 1972ko urtarrilaren 28a) esku huskako pilotari ohia, esku huskako pilotako irakaslea eta taxilaria da. Pilotan, atzelari jardun zuen, Aspe enpresarekin. Profesional garaian, 1,85 m luze zen, eta 90 kg pisatzen zuen. Lehendabiziko partida 1993ko abuztuaren 4an jokatu zuen, Zarauzko pilotalekuan. 2009. urtea amaitzearekin batean, Aspe enpresarentzat jokatzeari utzi zion. Indar handiko pilotaria, burutsua ere bazen kantxan, eta nekez galtzen zuen pilotarik. Hamasei urtez izan zen pilotari profesionala, eta binaka jokatuz nabarmendu zen: hiru aldiz irabazi zuen Esku Huskako Binakako Pilota Txapelketa Nagusia (1997, 2000 eta 2002), eta behin izan zen txapeldunorde (2004).

Artikulu hau Etxarri Aranazko pilotariari buruzkoa da; beste esanahietarako, ikus «Lasa (argipena)».

Gaur egun, Etxarri Aranazko taxi gidaria da lanbidez, eta astialdian herri horretako esku huskako pilota eskolako irakasle da, Aitor Zubieta herrikidearekin batera.[1][2] Pilota profesionaletik erretiratu eta gero ere, partidak jokatzeagatik ordaindu izan diote, izen handia baitu oraindik.[3]

Kirol lorpenak

Binakako txapelketa nagusia:
- Txapelduna: 1997 (Retegi II.a lagun), 2000 (Titin III.a lagun) eta 2002 (Xala lagun)
- Txapeldunordea: 2004 (Martinez de Irujo lagun)
Bigarren mailako buruz buruko txapelketa:
- Txapelduna: 1995
- Txapeldunordea: 1994
Euskadiko binakako txapelketa: txapelduna 1997an.
1997ko San Fermin Torneoko binakako txapelduna.
1997ko Donostiako Torneoko binakako txapelduna.
1997ko San Mateo Torneoko Binakako Txapelduna.

Erreferentziak

«Beteranoaren altzoan», Berria, 2010-03-30.
(Gaztelaniaz) «Oskar Lasa, de pelotari a taxista del pueblo», Diario de Navarra, 2010-01-08.
«Oskar Lasa, Titin eta Fernando Goñi Mexikora», Guaixe, 2014-11-13.

Artikulu hau Nafarroako biografia baten zirriborroa da. Wikipedia lagun dezakezu edukia osatuz.

Datuak: Q4892152

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] «Beteranoaren altzoan», Berria, 2010-03-30.

[2] (Gaztelaniaz) «Oskar Lasa, de pelotari a taxista del pueblo», Diario de Navarra, 2010-01-08.

[3] «Oskar Lasa, Titin eta Fernando Goñi Mexikora», Guaixe, 2014-11-13.