Oscar Hijuelos

Oscar Jerome Hijuelos (New York, 1951ko abuztuaren 24a - ibidem, 2013ko urriaren 12a) estatubatuar idazlea izan zen.

Oscar Hijuelos
Irudi gehiago
Bizitza
Jaiotzako izen-deiturak	Oscar Jerome Hijuelos
Jaiotza	Manhattan, 1951ko abuztuaren 24a
Herrialdea	Ameriketako Estatu Batuak
Heriotza	New York, 2013ko urriaren 12a (62 urte)
Heriotza modua	berezko heriotza: miokardio infartu akutua
Hezkuntza
Heziketa	City College of New York (en) Lehman College (en)
Hizkuntzak	ingelesa
Jarduerak
Jarduerak	eleberrigilea eta idazlea
Enplegatzailea(k)	Duke Unibertsitatea Hofstra Unibertsitatea
Lan nabarmenak	ikusi The Mambo Kings Play Songs of Love (en)
Jasotako sariak	ikusi Pulitzer Saria Fikzioan  (1990) Rome Prize Fellow of the American Academy of Arts and Sciences John Simon Guggenheim Memorial Foundation beka
Kidetza	Arteen eta Zientzien Ameriketako Estatu Batuetako Akademia

Unibertsitate-ikasketak amaituta, buru-belarri hasi zen literaturan lanean. 1978an, Pushcart argitaletxeak idazle apartatzat ezagutu zuen, Colón descubre América narrazio laburrarengatik. Aipamen horren ondoren jaso zituen diru-laguntzei esker, idaztetik bizi ahal izan zuen 1980tik aurrera. 1983an, lehen eleberri luzea argitaratu zuen, Our House in the Last World. Eleberri hark 40ko hamarraldian Estatu Batuetara bizitzera joandako familia kubatar baten istorioa kontatzen du. Ahoa bete hortz utzi zituen kritikariak eta irakurleak, eta literaturako Rome sari ospetsua irabazi zuen. 1989an, bigarren eleberria aurkeztu zuen: The Mambo Kings Play Songs of Love. Aurrekoaren ildotik, Habanatik New Yorkera joan eta musikaz hiriko taberna latinoak alaitzen dituzten bi anaiaren gorabeherak kontatzen ditu. Bigarren eleberri horrek are harrera hobea izan zuen oraindik, eta Liburuaren Sari Nazionala eta Kritikarien Sari Nazionala irabazi zituen 1989an, eta Literaturako Pulitzer saria, 1990ean —sari hori lortu zuen lehen idazle hispanoa izan zen—. Hofstra Unibertsitateko irakasle izan zen, eta Duke Unibertsitateko Ingeleseko Departamentuan aritu zen.