Onkobirus

Onkobirusak zelularen ugalketa prozesua aldatzen duten birusak dira, zelula normalak zelula neoplasikoak edo tumoralak bihurtuz. Onkobirus gehienak erretrobirus dira.

Zelula bat infektatzerakoan onkobirusek haien DNA integratzen dute zelularen genoman, bakteriofagoek ziklo lisogenikoan egiten duten moduan. Probirus deritzonak dira. Profagoen antzera, onkobirusa zelularen ondorengoetara pasatzen da, harik eta une jakin batean birusaren genomak zelularen ugalketa erritmoa aldatzen duen arte, tumoreak sortuz.

Ez dago argi nola jarduten duten onkobirusek maila molekularrean tumoreak sortzeko. Birusaren genomak gene onkogenikoak ditu eta, antza denez, gene horiek apoptosiaren erregulazioa aldatzen duen proteinaren bat ekoizten dute. Ondorioz, zelulak ukipen-inhibizioaren mekanismoa galtzen du, kontrolik gabeko ugalketa suertatuz eta tumoreak agertuz.

Onkobirusen artean giza papilomaren birusa, Epstein-Barr birusa, zenbait erretrobirus eta B eta C hepatitisarenak dira aipagarrienetariko batzuk.

Ikus, gainera

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.