Now Euskal Herrira

• Sare[2].
• 101 pertsona ezagun[3]
• ELA eta LAB[4]
• ESK[5]
• Garbiñe Biurrun eta Gemma Zabaleta[6]
• Naiz[7].
• EH Bildu[8].
• Kristau Elkarte Herritarra[9]
• Herria 2000 Eliza[9]
• Euskal Herriko Apaizen Koordinakundea[9]
• Euskal Herriaren Lagunak nazioartetik[10]
• Aralar[11]
• Ezkerra Berdeak[11]
• Euskadiko CCOO[11]
• Lokarri[11]

17:30ean abiatuko zen mobilizazioa, bi gunetatik. Nafarroakoek, Gipuzkoakoek eta Ipar Euskal Herrikoek udaletxea zuten abiapuntu, eta Bizkaikoek eta Arabakoek joandakoek, Casilla. Hurtado Amezagatik egingo zuten aurrera udaletxekoek eta Autonomiatik besteek. Bi buruak Zabalburun bilduko ziren[12].

Manifestazioko une jakin batean, guztiek batera elkarrekin argiak piztuko zuten. Bakoitzari bi «argi izpi» emango zitzaizkion[13].

Abenduaren 3an, EH Bilduk adierazi zuen mobilizatu egin behar zela Madril mugi zedin[14].

2015eko urtarrilaren 2an, EH Bilduk presoak gerturatzea beharrezkoa zela esan[8].

Urtarrilaren 7an, Bilbora joateko deia egin zuen Sarek[2]. Egun berean jakin zen Eusko Jaurlaritza ez zela joango mobilizaziora[15]. Ordurako, 250 bat autobus antolatu zituzten Euskal Herrian nahiz atzerrian[16].

Bilboko Udaltzaingoak eman zituen datuen arabera, 75.000 lagun batu ziren. Bertan, dispertsioarekin amaitzeko, aktiboak izatea eskatu zieten herritarrei eta sakabanaketaren aurkako azken manifestazioa izatea espero zuen Sarek[17].

Urtarrilaren 11ean, Bilboko manifestazioaren gaineko balorazio positiboa egin zuen Sarek eta jendetsua eta anitza izan zelako. Gainera, salbuespenezko politika horrekin amaitzeko beharra azpimarratu zuen[18].