Notre-Dame du Refuge

Frontoiaren gainean dagoen Maria "Sortzez Garbiaren" estatuak eremu osoan bere zaintzapean dagoela adierazi nahi digu. Fatxada bost estatuak apainduta ageri zaigu:

• erdialdean Jesusen Bihotz Sakratua.
• alde bakoitzean Ebanjelistak bere ikurrarekin:
  • Mateo eta gizona.
  • Marko eta leoia.
  • Lukas eta idia.
  • Joan eta arranoa.

Ataurrearen tinpanoak Maria bere "Jasokundean" irudikatzen du. Eskultura hauek Poitierseko Ateliers Saint-Hilaire izenekoek eginak dira.

1956 eta 1968ko zaharberritze lanek aldaketa handiak ekarri dituzte. Tribunak, nabearen lauzak, marmolezko korua, Portugalgo marmolezko aldarea urte horietakoak dira; Gurutzea, brontze urreztatuzko kandela-ontziak eta sagrarioa ere 1968koak dira, Ph. Kæpelin de Vanves sinadura dutenak.

Mariari leku honetan Notre-Dame du Refuge izenaren bidez dei egiten zaio. Estatua horrek Louis-Édouard Cestacen obraren zentralitatea izan du hasiera-hasieratik.

Arkupe hori eta bere zutarriak Bidaxuneko harriz[3] egindakoak dira. Ama Birjinaren inguruko medailoian hauxe irakur daiteke: Guvernabat creditam sibi Dominum ("Bere zaintzapean utzitako etxea gobernatzen zuen"). Horrek berriro azpimarratzen du ikuspegi kristautik Mariari komentu honetan eman nahi zaion garrantzia. Medailoiaren bi aldeetan ikur biblikoak litaniazko laudorio gisa: "Maria, Daviden etxea...ur bizizko iturria, urrezko etxea...goizeko izarra...zitori horia elorrien artean...otoitz egin gure alde!"

Gangaren dekorazioa, bere 8 kapitel, bere arku, pilastra, eta arkupearen zutarriak barne Jules-Pierre Mauméjeanenak dira, 1875ekoak. Atzealdeko margolanek hauxe irudikatzen dute:

• erdialdean: Mariaren koroatzea.
• ezkerraldean: Familia Santua.
• eskuinaldean: Jesus Nazaretekoa Betanian Marta eta Mariarenean.

Jules-Pierre Mauméjean eta Xavier Montaut abadeak elkarlanean eginak dira. Koruko margoak 1991 eta 2002an zaharberritu zituzten.

Erdialdeko mandorlan dagoen Mariaren figurak "Hirutasun Santuan" sartzearen loria adierazi nahi du.

Bertako kongregazioko kide den Marie de l'Eucharistiek eginiko zeramikazko lan eder bi daude. 1968ko zaharberritze lanetakoak dira.

« Arrosarioaren arrosa leihoa », 1886ko X. Montaut sinaduraduna. Alboko beirateak Servantes de Marie kongregazioaren 1842ko jaiotza ekartzen du gogora.

« Pietàren arrosa leihoa » Via Crucisaren 14 estazioekin 1932koa da. Mauméjean Frères sinadura du; Joseph eta Henri anaiak Jules-Pierre Mauméjeanen semeak dira.

Lehen biek Bètharrameko Ama Birjinaren kondaira irudikatzen dute; baliteke Mauméjeanenak izatea. Besteek Jesusen bizitzaren eszenak erakusten dituzte.

• Ezkerraldean :
  • Jesus Nazareten.
  • Jesus olibondoen lorategian.
  • Jesusek bere ama topatzen du Kalbariorako bidean.
• Eskuinaldean:
  • Kristoren Berpizkundea.
  • Maria eta Apostoluak Mendekoste egunean.
  • Jesusen Igokundea.

Servantes de Mariek sortutako lau erakunde sozial edota osasunaren arlokoak egun Missions Père Cestac (MPC) elkarteak kudeatzen ditu. Berak du kongregazioarekiko eta sortzailearen asmoekiko (harrera, norbanakoaren zerbitzurako errespetua, familia giroa) bat egitearen ardura. Hauexek dira:

• foyer de vie François de Paule (FDP): heldu minusbaliatuen harrera.
• Arazoak dituzten 4 eta 15 urte arteko umeen etxea. Ama bikotegabe gazte eta bere umeentzako familia laguntza.
• Pomme d'Api - Multi accueil: 2 hilabete eta 3 urte arteko umeentzako harrera pertsonalizatua.
• Jeanne Biscot pabiloian: Servantes de Marie kongregazioko serorentzako eta laiko bakan batzuentzako erretiro etxea.

Barnetegia duten bi ikastetxe pribatu erlijioso daude:

• Stella Maris eskola eta kolegioa. Adar elebiduna ere badu.
• Sainte-Anne lizeo tekniko eta profesionala.

Biek kongregazioaren zioak hezkuntza munduan transmititzeko asmoa dute.