Norman Mailer

Norman Mailer (Long Branch, New Jersey, Ameriketako Estatu Batuak, 1923ko urtarrilaren 31 – New York, Ameriketako Estatu Batuak, 2007ko azaroaren 10a) ingelesezko idazlea izan zen. Bigarren Mundu Gerran parte hartu zuen, eta hango bizikizunetan oinarri hartuta idatzi zuen bere lehen eleberria, J. Dos Passosen teknikaren ildotik: The Naked and the Dead (1948, Biluziak eta hilak). New Yorkeko alkatetzarako hautagai aurkeztu zen, eta Estatu Batuetako gizartean gertatu ziren gatazketan parte hartu zuen, MacCarthyren eta Vietnamgo Gerraren kontra, bereziki.

Norman Mailer
Irudi gehiago
Bizitza
Jaiotzako izen-deiturak	Norman Kingsley Mailer
Jaiotza	Long Branch (New Jersey), 1923ko urtarrilaren 31
Herrialdea	Ameriketako Estatu Batuak
Bizilekua	New Jersey Provincetown (en) Long Branch (New Jersey) Brooklyn
Lehen hizkuntza	ingelesa
Heriotza	New York, 2007ko azaroaren 10a (84 urte)
Hobiratze lekua	Provincetown Cemetery (en)
Heriotza modua	berezko heriotza: giltzurruneko gutxiegitasuna
Familia
Aita	Isaac Barnett Mailer
Ama	Fanny Schneider
Ezkontidea(k)	Beverly Rentz Bentley (en) Bea Silverman (en)  (1944ko urtarrila - Adele Morales  (1954ko apirilaren 19a -  1962) Jeanne Campbell  (1962ko maiatzaren 4a -  1963ko abenduaren 16a) Carol Stevens (en)  (1980 - Norris Church Mailer  (1980ko azaroaren 11 -  2007ko azaroaren 10a)
Seme-alabak	ikusi Stephen Mailer John Buffalo Mailer Kate Mailer Michael Mailer Danielle Mailer (en) Elizabeth Anne Mailer (en) Maggie Alexandra Mailer (en) Susan Mailer (en)
Hezkuntza
Heziketa	Parisko Unibertsitatea Boys High School Boys and Girls High School (en) Harvard Unibertsitatea (1939 - 1943) : Ingeniaritza aeronautiko
Hizkuntzak	ingelesa
Jarduerak
Jarduerak	kazetaria, aktorea, film-zuzendaria, gidoilaria, eleberrigilea, saiakeragilea, idazlea, antzerkigilea, poeta, zinema ekoizlea, film-muntatzailea, historialaria, biografoa eta antzerki aktorea
Jasotako sariak	ikusi National Book Award George Polk Award  (1968) PEN Oakland/Josephine Miles Literary Award Pulitzer Saria Ez-fikzio orokorra  (1969) : The Armies of the Night (en) Pulitzer Saria Fikzioan  (1980) : The Executioner's Song (en) Helmerich Saria  (1992) Emerson-Thoreau Medal  (1989) Ohorezko Legioa Arte eta letren komendadorea Fellow of the American Academy of Arts and Sciences Golden Raspberry Award for Worst Director  (1988) : Tough Guys Don't Dance (en)
Influentziak	George Eliot, James T. Farrell, Henry James, Henry Miller, William Burroughs, John Dos Passos, Thomas Mann, Ernest Hemingway, William Faulkner, Pablo Picasso, Wilhelm Reich, Lev Tolstoi, Marcel Proust eta Fiodor Dostoievski
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia The 8th Street Club (en)
Izengoitia(k)	Andreas Wilson
Genero artistikoa	eleberria
Zerbitzu militarra
Adar militarra	Ameriketako Estatu Batuetako Armada
Parte hartutako gatazkak	Bigarren Mundu Gerra
Sinesmenak eta ideologia
Erlijioa	judaismoa

Bigarren Mundu Gerraren ondoren, Estatu Batuetan agertu zen mugimendu errealistak izan zuen idazle garrantzizkoena izan zen, eta bere garaiko gizartearen deskribatzaile zehatza eta artatsua izan zen. Mailerrenak dira, besteak beste: The White Negro (1957, Beltz zuria), saioa; Barbary Shore (1951, Barberiako itsasertza); An American Dream (1965, Amets amerikarra); Why are We in Vietnam? (1967, Zergatik gaude Vietnamen?).

1968an, The Armies of the Night (Gaueko gudarosteak) eleberria argitaratu zuen; obra horrekin hasi zen gertakizun errealen kronika egiten, kazetaritzatik oso hurbil. Joera horren eredu garbia da The Executioner´s Song (1979, Borreroaren kantua) eleberria. 90eko hamarraldian lanean jarraitu zuen. Hala, 1991n, Harlot's Ghost (Harloteko fantasma) argitaratu zuen, CIAri buruzko eleberria. 1996an Oswald idatzi zuen, 800 orrialdeko liburua; Kennedy lehendakariaren hiltzaileari buruzko biografia da. Mailerren azken eleberria The Gospel According to the Son (1997, Ebanjelioa Semearen arabera) lana izan zen. Mailerrek bere lan gehienetan gizartearen aurrean sentitzen zuen samintasuna erakusten zuen, eta bere filosofia liberala adierazten zuen. Gidoiak ere idatzi zituen, eta zenbait filmetan zuzendari- eta antzezle-lana ere egin zuen. Pulitzer saria irabazi zuen bere saiakera lanengatik.