Nora Korala
Nora Korala 1968. urtean sortu zen gaur egun zuzendari den Fermin Iriarteri esker. Bere hasierako helburuen artean, nagusienetakoa: musika ezagutzea eta zabaltzea zen, kantu gregoriano eta musika garaikidearen bitartez. Modu honetan, programa desberdinetan parte hartzen du: Aste Santuan, Eguberrietan, Euskal musikan …
| Nora Korala
| ||
|---|---|---|
| Datuak | ||
| Egoitza | Zangoza, Nafarroa | |
| Zuzendaria | Fermin Iriarte | |
| Ahotsak | Abesbatza mistoa | |
| Urteak | 1968 - ... | |
| Fundatzailea | Fermin Iriarte | |
Nora Koralak txapelketa desberdinetan parte hartzen du eta askotan irabazlea izan da. Nafar Gobernuko ekintza ofizialetan ere agertzen da, eta Espainiako erregea eta bere semea Leireko monasteriora etortzen direnean ere abesten dute. Gainera, Europa osoan zehar ibili dira abesten: Erroman, Parisen…
Denbora aurrera egin ahala, koraleko helburua aldatzen joan da, eta orain dela urte batzuk, herriko musikarietan jarri zuen arreta.
1993. urtean disko bat kaleratu zuten, non Zangozako musikarien abestiak biltzen zituzten. Herriko musikarien artean hauek aurkitzen ziren: Juan Francés de Iribarren, Sebastián Larrañeta, Buenaventura Iñiguez, Daniel Piudo, Xenaro Vallejos eta musika garaikidea sortzen duen Luis Elizalde, koralarentzat zenbait abesti sortu dituen.
Disko honek musikari famatuen kritika on asko jaso zituen eta horrek animatu zuen ikerketa berriak egitera Juan Frances de Iribarrenen inguruan. Lortutako abestiekin, hainbat kontzertu famatu egin ditu: Zangozako Santiago elizan, Málagako katedralean…
Gaur egun Bruno Jiménez da zuzendaria.
Kanpo estekak
- (Gaztelaniaz)Nafarroako Abesbatzen Elkartearen webgunean
