Noeren ontzia

Hasieraren arabera, Noeren ontzia Noe profetak, bere familia eta animaliak Uholde Handiaren ondorioak saihesteko eta gero Lurra birpopulatzeko, egindako itsasontzia izan zen. Itsasontzia egiteko agindua Jaungoikoak eman zuen.

Edward Hicksen (1780-1849) margolana, animaliak ontziratzen.

Judu-kristau testu sakratuetan, Toran eta Itun Zaharrean, eta baita Koranen ere agertzen den mito honek sumertar Ziusudra mitoan oinarria du, Jerusalemen eroriaren ondoren hebreerek mesopotamiar kulturaren eragina jasan zuten eta[1].

Nahiz eta mendeetan zehar gertaera historikotzat jo, geologia eta historiografia modernoak mitotzat jotzen dute. Hala ere guztiz ere badaude Ararat mendian bere bila aritzen diren ikerlariak[2].

Hasieraren 6-9 kapituluek Noeren ontziaren istorioa azaltzen dute:

« Mundua gaiztakeriaz eta indarkeriaz betea zegoen, den-denek jokaera makurra baitzeramaten. Jainkoak, mundua hain gaiztotua ikustean, esan zion Noeri: «Izaki oro suntsitzea erabaki dut, gizakien erruz indarkeriaz betea baitago mundua; gizakia eta mundua, biak suntsituko ditut.

«Egizu zeuretzat ontzi bat erretxina-egurrez. Antolatu gelak barruan eta estali bikez barrutik eta kanpotik. 15 Hona zein neurritakoa egingo duzun: ehun eta berrogeita hamar metro luze, hogeita bost metro eta erdi zabal, eta hamabost metro eta erdi gora. Sabaiez estaliko duzu, gailurretik hegalera metro eta erdiko jaitsiera emanez. Alboan atea jarriko diozu. Hiru solairu izango ditu.
«Nik uholdea bidaliko dut mundura, zerupeko bizidun guztiak suntsitzeko. Munduko izaki guztiak hilko dira. Baina zurekin ituna eginen dut. «Sar zaitezte ontzian emaztea eta biok, baita zure semeak ere emazteekin. Animali mota bakoitzetik bikotea, ar-emeak, sartuko duzu, zurekin batera bizirik iraun dezaten. Hegazti-, abere- eta narrasti-mota bakoitzetik bina sartuko dira zurekin, bizirik iraun dezaten. Elikagai guztietatik bildu, zer jan izan dezazuen».
Jainkoak agindu guztia egin zuen Noek zehatz-mehatz.

  »

—Hasiera 6, 11-22

Erreferentziak
  1. Pritchard, James B.. (1955). Ancient Near Eastern Texts Relating To The Old Testament. Princeton, N.J.: Princeton University Press.
  2. Morris, John D.. (2009). Noah's Ark: The Search Goes On. Institute for Creation Research.


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.